O‘zbekiston respublikasi navoiy kon-metallurgiya kombinati navoiy davlat konchilik instituti

20. Elektrostansiya, podstansiya elektr uskunalarida va kabel elektr uzatish tarmoqlarida ish olib borilganda «Ish joyi tayyorlandi. Kuchlanish ostida quyidagilar qoldi» degan qatorga ishlashga ijozat etuvchi shaxs ta’mirlanayotgan va ish joyi yaqinidagi qo‘shni ulamalarning (yoki qo‘shni ulamalarning jihozlarini) kuchlanish ostida qolgan tok o‘tkazuvchi qismlarini ko‘rsatishi zarur. Havo elektr uzatish tarmoqlarida ish olib borilganda ushbu qatorlarga naryad beruvchi «Alohida ko‘rsatmalar» qatorida ko‘rsatgan tok o‘tkazuvchi qismlar, zaruriyat tug‘ilganda esa boshqa tok o‘tkazuvchi qismlarni ham yozib qo‘yadi. Ishlashga ijozat etuvchi va ish rahbari (agar ish rahbari tayinlanmagan bo‘lsa ishboshchi yoki ko‘zatuvchi) «Ish joyi tayyorlandi. Kuchlanish ostida quyidagilar qoldi»degan qator ostiga faqat birinchi bor ishlashga ijozat etishda imzo chekadilar.
21. 3-jadvalda har kungi ishlashga ijozat etish va tugallash, shu jumladan brigadani bir ish joyidan ikkinchi ish joyiga ko‘chirish rasmiylashtiriladi. Agar ishboshchi, ijozat etuvchi vazifasini o‘rindoshlik yo‘li bilan bajarsa, hamda ishboshchiga brigadani qayta ishga qo‘yilishida ularning ishlariga ijozat etish uchun ruxsat berilgan bo‘lsa, u ijozat etayotgan paytida jadvalning 3 va 4 kataklariga imzo chekadi. Agar ish rahbariga brigadani qayta ishga qo‘yilishida ularning ishlashlariga ijozat etish uchun ruxsat bergan bo‘lsa, u ijozat etayotgan paytida jadvalning 3 katagiga imzo chekadi. Ish kunining tugashi munosabati bilan bog‘liq bo‘lgan ishni tamomlashni ishboshchi (kuzatuvchi) 5 va 6 kataklarni to‘ldirish bilan rasmiylashtiradi.
22. 4 jadvalda avtomobil haydovchisi yoki mexanizm mashinistini va kranchini brigada tarkibiga kiritish yoki undan chiqarishda qo‘shimcha yana unga biriktirilgan avtomobil, mexanizm va o‘zi yurar kranning turi ham ko‘rsatilishi kerak. 4 katakka brigada tarkibini o‘zgartirishga ruxsat bergan xodim imzo chekadi. Agar ruxsat telefon yoki radio orqali berilsa, ishboshchi 4 katakda shu xodim familiyasini ko‘rsatishi zarur.
23. Ish to‘liq tamom qilingandan so‘ng ishboshchi (kuzatuvchi) va ish rahbari naryadni ushbu ishlarni rasmiylashtirish uchun mo‘ljallangan qatoriga ishni tamom bo‘lgan vaqti va sanasini ko‘rsatib imzo qo‘yadilar. Agar ish rahbari tayinlanmagan bo‘lsa «Ish rahbari» degan qatorga hech qanday imzo qo‘yilmaydi. Agar ishni to‘liq tamom bo‘lganligini naryadda rasmiylashtirish vaqtida navbatchi yoki tezkor-ta’mirlash xodimlaridan tayinlangan ishlashga ijozat etuvchi yoki navbatchi yo‘q bo‘lsa yoki ishboshchi o‘rindoshlik yo‘li bilan ijozat etuvchi vazifasini ham bajarsa, ishboshchi yoki kuzatuvchi ushbu rasmiylashtirishni faqat o‘zining naryad nusxasida bajaradi va ishni to‘liq tamom bo‘lganligi to‘g‘risidagi xabarni olgan xodimning lavozimini va familiyasini ko‘rsatib, xabar qilingan vaqtni va sanasini yozib qo‘yishi shart. Agar ishni to‘liq tamom bo‘lganligini naryadda rasmiylashtirish vaqtida navbatchi yoki tezkor-ta’mirlash xodimlaridan tayinlangan ishlashga ijozat etuvchi qatnashayotgan bo‘lsa, ishboshchi yoki kuzatuvchi, ushbu rasmiylashtirishni naryadning ikkala nusxasida bajaradi. Agar brigada yerga ulagich o‘rnatmagan bo‘lsa, u holda «brigada o‘rnatgan yerga ulagichlar olindi» degan so‘zlar ish to‘la tugallanganligi to‘g‘risidagi xabardan o‘chirib tashlanishi shart.