O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Ob'ekti- Bojxonaga doir qonun hujjatlari bilan tartibga solinadigan ijtimoiy munosabatlar.

Ob'ektiv tomoni- Ushbu xuquqbuzarlik ham xarakatda ham harakatsizlikda sodir etiladi.
Vakolatli shaxslar bojxona ombori bojxona rejimiga joylashtirilgan tovar bilan bojxona organini xabardor qilgan holda quyidagilarni amalga oshirishi mumkin:
tovarning o‘zgarmas holatda but saqlanishini ta'minlash uchun zarur operatsiyalarni bajarish. (BK 95-m.) tovarning o‘zgarmas holatda but saqlanishini ta'minlash uchun zarur operatsiyalar o‘tkazmaslik bu harakatsizlikdir.
Muayyan bojxona rejimiga joylashtirilgan tovarlar va transport vositalarini bojxona organining ruxsatisiz operatsiyalar o‘tkazish. Bu harakatdir.
Sub'ekti-16 yoshga to‘lgan, aqli raso, jismoniy shaxs.
Sub'ektiv tomoni- ushbu xarakat qasddan sodir etiladi. Shaxs bila turib tovarlar va transport vositalariga nisbatan bojxona organining ruxsatisiz bojxona rejimi talablarini buzgan holda turli operatsiyalarni amalga oshiradi.
227¹⁹-modda. O‘zbekiston Respublikasining bojxona chegarasi orqali tovarlarni olib o‘tishda iqtisodiy siyosat choralari va boshqa cheklovlarni qo‘llanish tartibiga rioya qilmaslik
Iqtisodiy siyosat choralari va boshqa cheklovlar qo‘llaniladigan tovarlarni ana shu choralar va cheklovlarni qo‘llanishning belgilangan tartibini buzgan holda O‘zbekiston Respublikasining bojxona chegarasi orqali olib o‘tish, O‘zbekiston Respublikasining Bojxona kodeksida nazarda tutilgan hollardan tashqari, —
tovarlar musodara qilinib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.
Xuddi shunday huquqbuzarlik ma'muriy jazo chorasi qo‘llanilganidan keyin bir yil davomida takror sodir etilgan bo‘lsa, —
tovarlar musodara qilinib, fuqarolarga eng kam ish haqining o‘n baravaridan o‘n besh baravarigacha, mansabdor shaxslarga esa — o‘n besh baravaridan o‘ttiz baravarigacha miqdorda jarima solishga sabab bo‘ladi.

O‘zbekiston Respublikasi ma'muriy javobgarlik to‘g‘risidagi kodeksning 37-moddasiga asosan ma'muriy jazoga tortilgan shaxs shu jazoni o‘tash muddati tugagan kundan boshlab bir yil mobaynida yangi ma'muriy huquqbuzarlik sodir etmagan bo‘lsa, mazkur shaxs ma'muriy jazoga tortilmagan deb hisoblanadi.

Ob'ekti O‘zbekiston Respublikasining bojxona chegarasi orqali tovarlarni olib o‘tishda iqtisodiy siyosat choralari va boshqa cheklovlarni qo‘llanish tartibi