O`zbekiston respublikasi maktabgacha ta’lim vazirligi

Quvnoq daqiqa

“So‘z top" o‘yini. Tarbiyachi bolalarni 2 guruhga bo‘ladi: birinchi guruhga “E” tovushi bilan boshlanadigan so‘zlar topish, 2- guruhga “E” tovushi so‘z o‘rtasida kelgan so‘zlar topish aytiladi, qaysi guruh o‘ylanib, belgilangan muddatda so‘z topa olmasa o‘yindan chiqadi. O‘yinni oxirigacha davom ettirgan guruh g‘olib sanaladi.

Amaliy ish.

Tarbiyachi bolalarga katta bosma E harfini doskada chizib ko`rsatib beradi. Tarbiyachi ko`rsatib bergan namunaga qarab bolalar sanoq cho`plaridan katta E harfini yasaydilar. Ish yakunida tarbiyachi bolalarga E harfi haqida quyidagi quvnoq she’rni aytib berishi mumkin.

Hovlidagi narvoncha

Birdan sinib qolibdi.

Bitta ustuni tushib

“E” harfi bo‘p qolibdi

Amaliy masq.

Tarbiyachi E unli ishtirok etgan bir necha so‘zni bo‘g‘inlarga bo‘lib (echki, eshak, etik,elak, etak, ekin) aytadi. Bolalar aytilgan so‘zdagi bo‘g‘inda E unli tovush ishtirok etgan bo‘lsa Ekesma harfni baland ko‘taradilar.