O‘zbekiston respublikasi maktabgacha ta’lim vazirligi maktabgacha ta’lim tashkilotlarida ta’lim jarayonini mavzuviy rejalashtirish

Syujetli – rolli o‘yinlar va dramotizatsiyalash markazi

«Onalar va qizlar»

Maqsad:oila a’zolarini biladi, ona va qiz munosabatlari shakllanadi, bola va ona orasidagi o‘zaro shaxsiy munosabatlar shakllanadi,mexmon kutish va mexmonga borish qoidalarini biladi, kattalarga xurmat, kichiklarga izzat tushunchalarini o‘zlashtiradi.
Jihoz va materiallar:sumkachalar, fartuklar, ona va qiz uchun qo‘shimcha kiyim, o‘yinchoq idish-tovoqlar, qo‘g‘irchoqlar, soch turmaklari uchun jixozlar, bezak va taqinchoqlar
Faoliyatning borishi:

1. 
   Ona va bolalarning birgalikda o‘tadigan kunini rejalashtirish;
   
2. 
   «Ona-qiz» syujetli o‘yinining o‘tishi.
   
3. 
   Bolalar rollarini almashishi mumkin.
   

Qo‘shimcha qism: bolalar yangi syujet o‘ylab topishlari mumkin (masalan, mexmon kutishga tayyorgarlik ko‘rayapmiz).
E’tiborga molik jihati: bolalarning oilada muomalaga kirishishlari; vaziyatni maromiga yetkazib o‘ynay olishlariga.

Til va nutq markazi

«Kuz» syujetli suratga qarab hikoya tuzish

Maqsad: kuzning belgilarini, kuzda tabiatning va ob-havoning o‘zgarishini biladi, lug‘at boyligini yangi tushunchalar bilan oshiradi va og‘zaki nutqini faollashtiradi, rasmga qarab so‘zlab berishda bog‘lanishli nutqni rivojlantiradi.
Jihoz va materiallar:kuz tasvirlangan rasm, kuz xaqida adabiyotlar, AKT, slaydli disklar.
Faoliyatning borishi:

1. 
   «Kuz» rasmini tomosha qilish;
   
2. 
   Bolalar shu suratga aloqador bo‘lgan so‘zlarni topadilar.
   
3. 
   Bolalar rasmga qarab tasviriy hikoya tuzadilar.
   

Qo‘shimcha qism: mavzuga doir badiiy asarlarni tomosha qilish..
E’tiborga molik jihati:agar bola to‘liq gap bilan javob berolmasa, unga yo‘naltiradigan savollar va so‘zlar bilan yordam berish, kuzatish qobiliyati va nutqni rivojlantirish.