O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

§. Maktabgacha ta’lim vazirligi bosh boshqarma boshlig‘i o‘rinbosari lavozimi malaka tavsiflari

Tartib raqami	163
Mashg‘ulotlarning milliy standart klassifikatori bo‘yicha kodi	1112
Xodimlar toifasi	Boshqaruv

1. 
   Lavozim vazifalari:
   

–bosh boshqarmaning barcha yo‘nalishlar bo‘yicha umumiy faoliyatini tashkil etish; O‘zbekiston Respublikasi qonunlari, O‘zbekiston Respublikasi Prezidentining farmon,
qaror va farmoyishlari, Hukumatning qaror va farmoyishlarini, davlat dasturlari asosida qabul qilingan vazirlikning hay’at qarorlari, buyruqlari, dasturlari va boshqa hujjatlarda vazirlik rahbariyati tomonidan bosh boshqarmaga berilgan tegishli topshiriqlar ijrosini to‘liq bajarilishini ta’minlash;
–vazirlikning hay’at, ishlab chiqarish yig‘ilishlariga, bosh boshqarma boshlig‘iga bosh boshqarma faoliyati doirasidagi masalalar bo‘yicha ma’lumotlar, hisobotlar tayyorlash;
–bosh boshqarmaning ish faoliyatini rejalashtirishda, yillik va istiqbol ish rejalarini ishlab chiqilishida o‘z fikrlarini bildirish, uning tarkibiga kiruvchi bo‘limlar faoliyatini muvofiqlashtirib borish va istiqbol yo‘nalishlarini belgilash, ularni vazirlikning umumiy ish rejasi bilan muvofiqlashtirib borish, bo‘lim va sho‘balarning yillik ish rejalarini ko‘rib chiqish va tavsiyalar berish, ularda belgilangan tadbirlarning sifatli bajarilishini bosh boshqarma boshlig‘i bilan birga ta’minlash;
–respublikadagi maktabgacha ta’lim va ilmiy tadqiqot tizimini rivojlantirish manfaatlari yo‘lida vazirlik va idoralar, huquqni muhofaza qiluvchi va mahalliy davlat hokimiyat organlari, jamoat tashkilotlari hamda xorijiy davlatlarning mamlakatimizda faoliyat ko‘rsatayotgan davlat va nodavlat tashkilotlari bilan o‘z yo‘nalishi bo‘yicha o‘zaro hamkorlikni yo‘lga qo‘yish masalalari bo‘yicha takliflar kiritish;
–maktabgacha ta’lim tashkiloti xodimlari orasida huquqbuzarliklarni oldini olish, uyushgan jinoyatchilik, korrupsiya, giyohvandlik va boshqa zararli illatlardan saqlanish, ularning oldini olish choralarini ko‘rish bo‘yicha keng qamrovli targ‘ibot-tashviqot ishlarini amalga oshirish bo‘yicha seminar mashg‘ulotlar tezislarini tayyorlash;
–vazirlik va xalqaro miqyosdagi keng ko‘lamda turli xil tarbiyaviy ishlar, o‘quvlar, seminar-treninglar, konferensiyalar, suhbat, uchrashuv va ko‘rik-tanlovlarni rejalashtirish hamda ularning bajarilishi sifat va samaradorligiga erishish yuzasidan metodik tavsiyalar tayyorlash;
–viloyat boshqarma va tuman (shahar) maktabgacha ta’lim bo‘limlari mutaxassislarining hamda maktabgacha ta’lim tashkilotlarida pedagoglar faoliyati samaradorligini oshirish chora-tadbirlarini belgilash;
–vazirlik vakolatiga kiruvchi masalalar bo‘yicha sho‘balar tomonidan tayyorlangan buyruq, ko‘rsatma va hujjatlarni ko‘rib chiqish, takliflar berish;
–bosh boshqarma boshlig‘i o‘rinbosari vakolati doirasida vazirlik xodimlariga berilgan topshiriqlarning bajarilishini ta’minlash, xodimlarning kasbiy, metodik va ilmiy salohiyatini oshirish ishlarini tashkil etish, ichki mehnat tartibi qoidalariga rioya qilishlarini nazorat qilish, shuningdek, boshqarma vakolatiga kiradigan vazifalarni amalga oshirish chora-tadbirlarini belgilash;
–vazirlikning boshqarma va bo‘limlari bilan faoliyat uzviyligini ta’minlash, bosh boshqarma faoliyatining barcha yo‘nalishlari bo‘yicha tegishli axborotlarni yig‘ish, tahlil qilish va ijro intizomini doimiy nazorat qilish;
–o‘z yo‘nalishi bo‘yicha yaratilayotgan normativ-huquqiy hujjatlar loyihalarini tayyorlashda faol ishtirok etish, boshqarma vakolatiga kiruvchi masalalar bo‘yicha ishchi guruhlar ishlariga mutaxassislarni jalb qilish;
–o‘z yo‘nalishi bo‘yicha hududiy maktabgacha ta’lim boshqarma boshliqlari bilan maktabgacha ta’lim tizimini rivojlantirish bo‘yicha strategik chora-tadbirlarni amalga oshirish hamda istiqboldagi vazifalarni belgilash;
–o‘z yo‘nalishi bo‘yicha davlat mukofotlari bilan taqdirlashga doir nomzodlar hujjatlarni ko‘rib chiqish va tavsiya berish;
–davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish;
–o‘z yo‘nalishi bo‘yicha maktabgacha ta’lim tizimini rivojlantirishga qaratilgan me’yoriy hujjatlar tayyorlashni tashkil etish va ularni ko‘rib chiqish uchun rahbariyatga takliflar kiritish;
–xodimlarning o‘z funksional vazifalarini tashkiliy-uslubiy jihatdan to‘g‘ri bajarilishini ta’minlash, ularni rag‘batlantirish va intizomiy javobgarlikka tortish bo‘yicha bosh boshqarma boshlig‘iga tegishli takliflar kiritish;
–bosh boshqarma boshlig‘i o‘rinbosari vakolati doirasida xodimlar o‘rtasidagi vazifalar taqsimotiga zaruriyatga qarab tegishli o‘zgartirishlar kiritish, ish taqsimoti asosida xodimlarining huquq va majburiyatlarini belgilash bo‘yicha rahbariyatga takliflar kiritish;
–o‘z yo‘nalishi bo‘yicha maktabgacha ta’lim tashkilotlari faoliyatini tashkil etish, bolalarga zarur shart-sharoitlar yaratish bo‘yicha tegishli takliflar kiritish;
– o‘z yo‘nalishi bo‘yicha respublika miqyosida viloyat, tuman(shahar) mutaxassislari bilan o‘quv-metodik yig‘ilishlar, anjumanlar, seminarlar, videokonferensiyalar tashkil etish va o‘tkazish;
–o‘ziga berilgan vakolatlar doirasida jismoniy va yuridik shaxslarning yozma hamda og‘zaki murojaatlarini, ariza va shikoyatlarini belgilangan tartibda ko‘rib chiqish,
–kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2.