O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

§. Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish institutining moliya-iqtisodiyot ishlari bo‘yicha prorektori

lavozimining malaka tavsiflari

Tartib raqami	2125
Mashg‘ulotlarning milliy standart klassifikatori bo‘yicha kodi	1345
Xodimlar toifasi	Boshqaruv

1. Lavozim vazifalari:

–institutning xo‘jalik faoliyatiga, iqtisodiyot va tadbirkorlik ishlariga rahbarlik qilish;
–tasdiqlangan ish rejalarining o‘z vaqtida bajarilishini tashkil qilish, moliya-xo‘jalik faoliyati bo‘yicha ish rejalari loyihasini tayyorlash;
–kafedralar, o‘quv xonalari, tinglovchilar turar joylari hamda boshqa binolarni zarur jihoz va asbob-uskunalar bilan ta’minlash bo‘yicha institut rektoriga takliflar kiritish;
–xodimlar va tinglovchilar sihat-salomatligini va xavfsizligini ta’minlovchi sharoitlar yaratish, mehnat intizomiga rioya qilishni nazorat qilish;
–binolarni kuz-qish mavsumiga tayyorlash ishlarini, qurilish, kapital va joriy ta’mirlash ishlarini tashkil qilish;
–institutga ajratilgan budjet mablag‘lari va boshqa budjetdan tashqari tushumlardan to‘g‘ri foydalanishni amalga oshirish hamda uning mulkiga ehtiyotkorona munosabatda bo‘lish;
–institutning moddiy-texnika bazasini mustahkamlashga oid chora-tadbirlarni amalga oshirish, o‘quv jihozlari, asbob-uskunalar va boshqa ta’lim vositalarining saqlanishini va ulardan samarali foydalanishni ta’minlash;
–vakolati doirasida jismoniy va yuridik shaxslarning yozma va og‘zaki murojaatlarini, ariza va shikoyatlarini ko‘rib chiqish;
–hududlarni obodonlashtirish, ko‘kalamzorlashtirish va tozalash ishlariga rahbarlik qilish, o‘ziga bo‘ysunuvchi tegishli bo‘linma hamda texnik xizmat ko‘rsatuvchi xodimlar ishini muvofiqlashtirish;
–sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2.