O‘zbekiston respublikasi kimyo sanoati yuzlab turdagi xalq

4.2 Atrof muhit muhofazasi
Keyingi yillarda yashash muhitida sodir bo‘layotgan tabiiy va texnogen o‘zgarishlar sanoatchilar oldiga ishlab chiqarishda baxtsiz hodisalarning oldini olish bilan birgalikda ekologik xavfsizlikni taʼminlash va sodir bo‘layotgan favqulodda vaziyatlardan asranish vazifalarini ham qo‘ymokda.
Korxonani loyihalash, uni qurish va qayta qurishda, korxonada yangi texnologiyalarni joriy qilish va ishlab chiqarish bilan bog‘liq bo‘lgan boshqa barcha ishlarda dastavval uning xavfsizlik qoidalariga eʼtibor berilib, mazkur korxona ishlab chiqarishining atrof muhitga taʼsiri bashorat qilinadi, loyiha xujjatlari «O‘zbekiston Respublikasi Sanoat davlat qo‘mitasi» tashkiloti hamda Tabiatni muhofaza qilish qo‘mitasi karamog‘idagi «Ekologik ekspertiza» xizmati nazoratidan o‘tkaziladi. Bundan ko‘zlangan maqsad dastavval o‘sha korxonada faoliyat ko‘rsatadigan ishchi-xodimlar hayotining xavfsizligini taʼminlash, qolaversa korxonaning biosferaga ko‘rsatadigan salbiy texnogen taʼsirini belgilab qo‘yilgan chegaraviy meʼyorgacha kamaytirishdan iborat. Bundan tashqari keyingi yillarda tabiatda yuz berayotgan tabiiy va texnogen o‘zgarishlar natijasida sodir bo‘layotgan favqulodda vaziyatlardan saqlanish, ulardan korxona mehnat jamoasini va atrofda istiqomat qiluvchi axolini qutkarish dolzarb masalaga aylandi.
O‘zbekiston Respublikasi o‘z mustaqilligi e’lon qilgunga qadar tabiiy atrof-muhitni himoya qilish va tabiiy resurslardan foydalanish bo‘yicha ishlab chiqilgan qonun va me’yoriy hujjatlarga sobiq ittifoq manfaatlari doirasida amal qilinar edi. Atrof-muhit muhofaa qilish bo‘yicha boshqaruv va nazorat ishlari bir necha tashkilotlar vakolatiga yuklatilgan bo‘lib, tabiatni muhofaza qilish tashkilotlari bir tizimga birlashmagan, aksariyat hollarda bir-birlari funksiyalarini takrorlashar, kuch va mablag‘lardan foydalanish tarqoq holda edi. Natijada tabiatni muhofaza qilish ishlarining samaradorligi pasayib ketdi.
Respublikamiz o‘z mustaqilligiga erishganidan so‘ng eng yirik voqealardan biri tabiatni muhofaza qilish faoliyatining huquqiy ta`minlanganligi bo‘ldi. 1992-yil 9-dekabrda O‘zbekiston Respublikasining “Tabiatni muhofaza qilish to‘g‘risida”gi qonuni qabul qilindi.