O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Ilmiy-tadqiqot kontingentini tanlash. Pedagogik tajribalarni o’tkazish sharoitiga muvofiq tabiiy va labaratoriya tajribalariga ajratish mumkin. Bunda tajribaning o’tkazilishi o’quv-trenirovka jarayoni borishini buzmagan holda shug’ullanuvchilar uchun odatiy sharoitda, odatdagi kontingent bilan o’tkaziladigan tajribani tabiiy tajriba sifatida qaraladi. Ya`ni barcha tajribalar odatiy, hamma uchun bir xil sharoitda o’tkaziladi.
Labaratoriya tajribalarda bir yoki bir nechta sportchilar asosiy kontingentda ajratib olinadi, ular odatdagi sharoitdan sezilarli farq qiluvchi alohida sharoitda o’tkaziladi.
Nazorat savollari

1. 
   Jismoniy tarbiya va sport sohasida qanday tadqiqotlar olib boriladi?
   
2. 
   Eshkak eshish sportida tadqiqotlar qanday tashkil qilinadi?
   
3. 
   Eshkak eshish sportida tadqiqotlarni o’tkazishda nimalarga e`tibor berish zarur?
   
4. 
   Ilmiy tadqiqotlarning qanday turlarini bilasiz?
   
5. 
   Tadqiqot kontingentini tanlashda qanday o’ziga xos xususiyatlaga e`tibor berish zarur?
   
6. 
   Tadqiqot natijalari amaliyotga qanday tadbiq qilinadi?
   

17-mavzu. Ilmiy tadqiqot-uslublariga umumiy talablar

Har qanday muayyan tadqiqot bir qator bosqichlar ko’rinishida berilishi mumkin. Bosqichlarning bog’liqligi, ularning shartli ketma-ketligi tadqiqotni tashkil qilish sxemasida aks ettirilishi mumkin.

Sxema quyidagi ko’rinishda bo’ladi:
Adabiyotlar va amaliyotni tahlil qilish → mavzu tanlash → vazifalarni aniqlash → farazni ishlab chiqish → tadqiqot rejasi → sinaluvchilarni tanlash → tadqiqot uslublarini tanlash → yordamchilarni tayyorlash → hujjatlarni tayyorlab qo’yish → sharoitlarni yaratish → materialni tanlash → materiallarni ishlab chiqish → natijalarni rasmiylashtirish → amaliyotga tadbiq qilish.
Har bir bosqich o’zining, nisbatan mustaqil vazifalariga ega. Ular doim ketma-ketlikda, ba`zida bir vaqtning o’zida hal qilinadi.