O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Birinchi bosqich. Asosiy maqsad: shug’ullanuvchilarda eshkak eshish sporti mashg’ulotlariga va harakat texnikasi asoslarini o’rganishga qiziqishni shakllantirish va uni mustahkamlash, jismoniy rivojlanishni takomillashtirish.
Vazifalari: 1. Shug’ullanuvchilarni suzishga o’rgatish. 2. Suvda bo’lish qoidalari bilan tanishtirish. 3. Eshkak eshish sporti turlari texnikasi haqida umumiy tushuncha berish. 4. Eshkak eshish sportida qo’llaniladigan atamalar bilan tanishtirish. 5. Eshkak eshish anjomlari, moslamalari va ularni o’rnatilishi bilan tanishtirish. 6. Eshkak eshishning barcha asosiy turlarida harakatlarning umumiy sxemasini bajarishga o’rgatish. 7. Eshkak eshish tempi va ritmi haqida tushuncha berish. 8. Organizmning fuksional imkoniyatlari umumiy darajasi va harakat qobiliyatlarining rivojlanishini oshirishning o’zaro ta`siri.
O’rgatish – oldida turgan faoliyat vazifalarini tushunishi, unga nisbatan qiziqishning yuzaga kelishi va bu vazifalarni to’gri yechish zaruratidan boshlanadi. Murabbiy har bir shug’ullanuvchida eshkak eshish sporti bilah shug’ullanish motivlarini yuzaga chiqarishi zarur va bu asosida uning sport rivojlanishining istiqbolini quradi. Yangi shug’ullanuvchilarga eshkak eshish sporti bilan shug’ullanish sog’liqni mustahkamlashdagi, shaxsning har tomonlama gormonik rivojlanishidagi, mehnat va Vatan himoyasiga tayyorlashdagi ahamiyatini tushuntirish muhimdir.
Eshkak eshuvchi yaxshi suza olishi, suvdan qo’rqmasligi, yaxshi sho’ng’iy olishi va cho’kayotgan odamni qutqara olishi, qayiq to’ntarilganda qayiq va barcha jihozlarni qirg’oqqa olib chiqishni bilishi shart. Bunday vaziyatda suzishning “brass” usulida suza bilish eng yaxshi vositadir. Shuning uchun suzishning “brass” usulini bilishi eshkak eshuvchining birinchi vazifasidir.
Har qanday harakatga o’rgatish bu harakat va uning bajarilishi haqida umumiy tasavvurni hosil qilishdan boshlanadi. Eshkak eshish sporti texnikasini ko’rsatish va o’rganilayotgan harakatning ahamiyati haqida shug’ullanuvchilarga gapirib berish yordamida mashg’ulotlarga bo’lgan qiziqish va harakat texnikasi shakllanadi.