O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Mustaqillik yillarida eshkak eshish sporti. O’zbekiston mustaqillikka erishgandan keyin hamma sport turlari kabi eshkak eshish sporti ham keng miqyosda rivojlana boshladi. O’zbekistonlik eshkak eshuvchilar jahon birinchiliklari va kuboklarida, Osiyo o’yinlari, birinchiliklari va kuboklarida munosib qatnashib, sovrinli o’rinlarni egallab kelishmoqda.
2008 yil Xitoyning Pekin shahrida o’tkazilgan XXIX yozgi Olimpiada o’yinlarida bir kishilik kanoeda eshkak eshish dasturida hamyurtimiz V.Menkov to’rtinchi bo’lib marra chizigini kesib o’tdi. Shu yili Germaniyaning Duysburg shahrida o’tkazilgan Jahon kubogining II bosqichida uchinchi o’rinni egalladi. 2009 va 2010 yillarda Jahon kubogining har uchta bosqichida birinchi o’rinni qo’lga kiritdi va mutloq chempion degan nomga sazovor bo’ldi. Ketma-ket uch yil 2009, 2010, 2011 yillarda dunyoning eng yaxshi kanoechisi deb e`tirof etildi.
2012 yil Buyuk Britaniyaning London shahrida o’tkazilgan XXX yozgi Olimpiada oyinlarida hamyurtimiz V.Menkov 1000 metrga kanoeda eshkak eshish dasturida Pekindagi natijasini takrorlab marra chizig’ini to’rtinchi bo’lib kesib o’tdi.
1991-2018 yillarda eshkak eshish turlari bo’yicha O’zbekiston Respublikasi milliy terma jamoasi a`zolarining Osiyo o’yinlaridagi g’olib va sovrindorlari
2-jadval

Medal turi	Qayiq turi	Masofa	Sportchi
1994 yilgi XII Osiyo o’yinlari Xirosima shahri, Yaponiya
Oltin medal	K-1	500 m	Kireyev I.
	K-1	1000 m	Kireyev I.
	K-4	1000 m	Kazansev V. Kalganov M. Kireyev I. Tyurin A.
	C-1	1000 m	Astanin A.
Kumush medal	K-2	500 m	Kazansev V. Kalganov M.
	K-2	1000 m	Kazansev V. Kalganov M.
	K-1	500 m	Lyalina I.
	K-4	500 m	Juravlyeva I. Isakova I. Levina T. Lyalina I.
Bronza medali	K-2	500 m	Juravlyeva I. Isakova I.
	C-2	500 m	Gorelov A. Sorokin V.