O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Sport trenirovkasini rejalashtirish. Tayyorgarlikning barcha darajasida eshkak eshuvchilar sport tayyorgarligini rejalashtirish oquv trenirovka jarayonlarini boshqarishning muhim funksiyalaridan biri hisoblanadi. U tayyorgarlikning maqsad va vazifalarini, tadbirlarni rejalashtirishni, nazorat tizimi va ish samaradorligi ko’rsatkichlarini aniqlashni o’z ichiga oladi. Shu bilan birga albatta, asosiy va bosh musobaqalar muddatini, tayyorgarlikning davr va bosqichlarini hisobga olish kerak. Hozirgi kunda sportda maqsadlar asosida rejalashtirish sport tayyorgarligini rejalashtirishning samarali uslublaridan biri hisoblanadi.
Maqsadli reja quyidagi asosiy tarkibiy qismlarni o’z ichiga oladi:

• 
  maqsadlar – bosh musobaqada oxirgi mo’ljallangan natijalar;
  
• 
  vazifalar – sportchi tayyorgarlik turlari bo’yicha mo’ljallangan natijalar (texnik, taktik, jismoniy va b.);
  
• 
  tadbir – texnik, taktik, jismoniy va boshqa tattorgarlik vazifalarini yechishda barcha qo’llaniladigan narsalar;
  
• 
  samaradorlik ko’rsatkichi – nazorat tizimida o’quv trenirovka jarayoni va rejani bajarish samaradorligini baholovchi ko’rsatkichlar.
  

Maqsadli rejalashtirishning muhim belgilari:

• 
  oxirgi natija haqida aniq tasavvur;
  
• 
  rejalashtirishni tayyorgarlik boshlangan kundan emas, balki oxirgi natijaga erishishni mo’ljallagan paytdan olib borish;
  
• 
  komleks yondashuvdan foydalanish;
  
• 
  qo’yilgan maqsadlarga erishishda resurslarni minimal sarflash
  

Eshkak eshuvchilar bilan amaliyotda ishlash quyidagi rejalashtirishlarga ajratiladi:

1. 
   istiqbolli rejalashtirish (4 yil va undan ortiq);
   
2. 
   yillik rejalashtirish (1 yilga);
   
3. 
   amaliy rejalashtirish (mezotsiklga, bosqichga, o’quv trenirovka yig’iniga);
   
4. 
   joriy rejalashtirish (haftalik sikl (mikrosikl) ga, mashg’ulotga);