O’zbekiston respublikasi IIV akademiyasi

Ijtimoiy adolat prinsipi. Bu tamoyil insonlar o'rtasidagi munosabatlar adolatli bo'lishini nazarda tutadi. Mamlakatimizda amalga oshirilayotgan kuchli ijtimoiy siyosat va aholining moddiy yordamga muhtoj qatlamlariga aniq yo'naltirilgan ijtimoiy yordam hamda himoya choralarining bosh prinsipi ijtimoiy adolatdir. Huquqshunoslikka oid adabiyotlarda davlat qurilishi hamda faoliyatining, siyosiy tizim amal qilishining prinsiplari qatorida ijtimoiy adolat prinsipi e`tibordan chetda qoldirilgani taajjubli holdir. Ba`zi ensiklopedik lug'atlarda ijtimoiy adolat prinsipi ijtimoiy axloq tushunchasi deb ta`riflangan9. Ta`kidlanishicha, ijtimoiy adolat insonning atrofda yuz berayotgan hodisalarga munosabatini aks ettiradi. Ijtimoiy adolat gumanistik g'oyalarga asoslanib, voqelikka insof-diyonat bilan yondashishni, xolislikni, demokratik munosabatni o'zida ifodalaydi.

O'zbekiston Konstitusiyasining 14-moddasida «Davlat o'z faoliyatini inson va jamiyat farovonligini ko'zlab, ijtimoiy adolat va qonuniylik prinsiplari asosida amalga oshiradi» degan qoida mustahkamlangan. Ijtimoiy adolat konstitusiyaviy prinsip darajasiga ko'tarilgach, albatta, siyosiy tizim amal qilishining asosiy tamoyillaridan biri bo'lishi lozim. Buning uchun ijtimoiy adolat g'oyalarini siyosiy ongga, siyosiy jarayonlar ishtirokchilarining fe`l-atvoriga singdirish zarur.

10.