O‘zbekiston respublikasi ichki ishlar vazirligi 1-sonli toshkent akademik litseyi

Shanxay hamkorlik tashkiloti (SHHT)

	Xitoy, Rossiya, Qozog‘iston, Tojikiston, Qirg‘iziston hamda O‘zbekiston davlatlari o‘rtasida 2001-yil 15-iyunda tashkil etilgan. Uning asosiy maqsadi aʼzo davlatlar o‘rtasida o‘zaro ishonch va yaxshi qo‘shnichilikni mustahkamlash hamda siyosiy, savdo-iqtisodiy, ilmiy-texnikaviy, madaniy, shuningdek, taʼlim, energetika, transport, turizm, atrof-muhitni muhofaza qilish va boshqa sohalardagi samarali hamkorlikni yo‘lga qo‘yishdan iborat. 2003-yilda esa SHHT Kotibiyati (Pekin) va Mintaqaviy Aksilterror tuzilmasi (Toshkent) tashkil etildi.
Yevroosiyo hududining 61 foizini, dunyo aholisining to‘rtdan bir qismini tashkil qilgan mamlakatlar ishtirokidagi Yangi tashkilot qabul qilgan birinchi hujjat “Shanxay Hamkorlik Tashkilotini tuzish to‘g‘risidagi Deklaratsiya”, “Terrorizm, separatizm va ekstremizmga qarshi kurash to‘g‘risida”gi Konvensiya bo‘ldi. Bugungi kunda jahonda nufuzi ortib borayotgan tashkilotga 8 ta - O‘zbekiston, Rossiya, Qozog‘iston, Qirg‘iziston, Tojikiston, Xitoy, Pokiston va Hindiston davlatlari aʼzo. Shuningdek, Afg‘oniston, Mo‘g‘uliston, Eron va Belorussiya davlatlariga kuzatuvchi hamda Shri-Lankaga muloqot bo‘yicha hamkor maqomi berilgan. SHHT Bosh kotibi Vladimir Norov va Mintaqaviy aksilterror tuzilmasi Ijroiya qo‘mitasi direktori Jumaxon G‘iyosov hisoblanadi.