O‘zbekiston respublikasi ichki ishlar vazirligi 1-sonli toshkent akademik litseyi

Mustaqil davlatlar hamdo‘stligi (MDH)

1991-yil 8-dekabrda Minskda Belorussiya, Rossiya, Ukraina tomonidan SSSRning tugatilganligi to‘g‘risidagi hujjatni imzoladilar. Shu bilan Mustaqil davlatlar hamdo‘stligi tashkiloti tuzildi. 1991-yil 21-dekabrda bitimga Ozarbayjon, Armaniston, Qozog‘iston, Qirg‘iziston, Moldova, Tojikiston, Turkmaniston va O‘zbekiston qo‘shildi. Hozirda tashkilotga kiruvchi davlatlarning aholisi 283 mln. kishini tashkil etadi. Ularning 29,4 foizi sanoat va qurilishda, 21,5 foizi qishloq xo‘jaligi, o‘rmon va baliqchilik sohasida ishlaydi.
Tashkilot davlatlarning inson huquqlari va erkinliklarini taʼminlash, tashqi siyosiy faoliyatni muvofiqlashtirish, umumiy iqtisodiy makonni vujudga keltirish, transport va aloqa tizimlarini rivojlantirish, aholi sog‘lig‘i va atrof-muhitni muhofaza qilish, ijtimoiy masalalar va immigratsiya siyosati, uyushgan jinoyatchilikka qarshi kurashish, mudofaa siyosatida hamkorlik qilish va tashqi chegaralarni qo‘riqlashda birgalikda faoliyat yuritishni nazarda tutadi. MDHning quyidagi organlari tashkil qilingan: Davlat boshliqlari kengashi Hukumat boshliqlari kengashi, Tashqi ishlar vazirlari kengashi Davlatlararo iqtisodiy qo‘mita, markazi Parlamentlararo assambleya (Sankt-Peterburg) va doimiy ishlovchi organi Muvofiqlashtiruvchi maslahat qo‘mita (Minsk) hisoblanadi. Hozirda tashkilotga 11 ta mamlakat aʼzo bo‘lib, ular Rossiya, Belorussiya, Ukraina, Ozarbayjon, Armaniston, Qozog‘iston, Qirg‘iziston, Moldova, Tojikiston, Turkmaniston va O‘zbekiston. Shuningdek,Mo‘g‘uliston va Afg‘oniston kuzatuvchi maqomiga ega.