O’zbеkistоn rеspublikаsi хаlq tа`limi vаzirligi

«Ma’budlar
suhbati», «Dengiz suhbatlari»  
va  
«Oxirat suhbatlari»  
deb, ataluvchi  dialoglar ulug`
satirik   ijodining   eng   ajoyib   mahsullari   hisoblanadi.   Olimp   hukmronlariga   berilgan
zarbaning kuchi va yuksak badiiy mahorat nuqtai nazaridan  
«Prometey  
yoki  
Kavkaz»,
«Ma’budlar kengashi», «Fosh etilgan Zevs», «Fojiaviy Zevs» 
degan dialoglarni ham
shular jumlasiga kiritish mumkin.
Yuqorida nomlari zikr etilgan hamma asarlarning mazmuni  qadim zamon Yunon
mifologiyasi voqealaridan olingandir. Yozuvchi ana shu voqealarni o`zgartmasdan, ularga
o`zidan  hech narsa qo`shmasdan, ma’budlar  o`rtasidagi munosabatlarni xuddi odamlar
o`rtasida bo`ladigan oddiy suhbatlar tarzida tasvirlab, Yunon kishisi tasavvurida ulug`vor,
benuqson va mo`tabar hisoblanib kelingan ma’budlarning masxarasini chiqaradi. Natijada
miflarning turgan-bitgani kulgili latifalarga aylanib, Olimp hukmronlari buzuq, pastkash,
nochor,  ishratparast,   faxsh,   aldamchi,   qo`lga   ilingan   narsani   o`g`irlab   ketishdan   ham
toymaydigan oddiy odamlarga o`xshab qoladilar. Olimpda istiqomag qiluvchilar o`rtasida
zino ayniqsa juda ham avj olib ketgan. Bu borada ularning birontasi  Zevsga tenglasha
olmaydi. Ma’budlar hoqoni qulay payt kelganida o`z rafiqasi Heraning ko`zini shamg`alat
qilib   boshqa   ma’budalar  bilan   o`ynashadi,   hatto   turli   qiyofada:   goh   buqaga,   goh
burgutga,  goh oqqushga, goh oltin tomchiga aylanib, yer yuziga tushadi-da, diliga xush
77

---

Aim.uz
keladigan   chiroyli   ayollar   bilan   ko`nglini   chog`laydi.   Bu  xildagi   razilliklar   ma’budlar
orasida   har   turli   rashk,   ta’na,  ig`vo   va   raqobatlarni   juda   kuchaytirib   yuborgan.   Hera
erining  oshiqlik   sarguzashtlaridan  ranjib,  unga   qanchalar   malomat   yog`dirmasin,   Zevs
xotinining   kunchiliklarini   nazar-pisand   qilmaydi,   hatto   o`zining   ishratparastliklaridan
uyalmaydi   ham.   Biroq   oshiq-ma’shuqlik   mojarolarining   sharmandalik   bilan   tugalish
hodisalari   Olimp   tog`ida   siyrak   uchraydigan   hodisalardan   emas.   Rafiqasi   go`zal
Afroditaning   muhoraba   ma’budi   Ares   bilan   o`ynashib  yurganini   sezib   qolgan   oqsoq
Hefest, zino ustida ularni tuzoqqa ilintirib, barcha ma’budlar oldida sazoyi qiladi.
Ma’budlarning bundan boshqa nayranglari ham juda ko`p: Zevsning o`g`li Hermes
dunyoga   kelar-kelmas   otasining   hassasini,   Afroditaning   belbog`ini,   Apollonning
kamalagini,   Aresning   shamshirini,   Hefestning   omburini   o`g`irlab   qo`yadi.   Xullas,
ma’budlarning hayoti buzuqlik, g`irromlik, hasad, xusumat va gina-kudurat bilan to`lib-
toshgandir. Bu borada Zevs Olimp hukmronlarining hammasidan oshib tushadi. Deyarli
barcha ma’budlar Zevsning takabburligidan, dimog`dorligidan, badjahlligidan shikoyat
qiladilar.
Qadimgi   dunyoda   o`tgan   qalam   ahllarining   birontasi   eski   diniy   an’analarni
bunchalik masxaralab, chuvini chiqarmagan bo`lsa  qerak. Lukianning istehzoli kulgisi,
piching va kinoyalari chindan ham naqadar achchiq, naqadar zahar-zaqqum! 
Lukian   faqat   qadimgi   mifologik   e’tiqodlarning   bema’niligini   fosh   qilish   bilan
cheklanib  qolmasdan,  shu  zamonlarda benihoyat ko`payib ketgan har xil «avliyo» va
«anbiyo»larning   firibgarliklariga,   makr-hiylalariga   ham   qarshi   keskin   kurash   ochadi.