O`zbekiston respublikasi aloqa, axborotlashtirish va telekommunikatsiya texnologiyalari davlat

Ekspert satxi shlyuzi. Tatbiqiy satx shlyuzining foydalanuvchilar uchun shaffofligining yo`qligi va tarmoqlararo aloqa o`rnatilishida o`tkazish qobiliyatining susayishi kabi jiddiy kamchiliklarini bartaraf etish maqsadida paketlarni fil`trlashning yangi texnologiyasi ishlab chiqilgan. Bu texnologiyani ba`zida ulanish xolatini nazoratlashli fil`trlash (stateful inspection) yoki ekspert satxidagi fil`trlash deb yuritishadi. Bunday fil`trlash paketlar xolatini ko`p satxli taxlillashning maxsus usullari (SMLT) asosida amalga oshiriladi.
Ushbu gibrid texnologiya tarmoq satxida paketlarni ushlab qolish va undan ulanishni nazorat qilishda ishlatiluvchi tatbiqiy satx axborotini chiqarib olish orqali ulanish xolatini kuzatishga imkon beradi.
Ishlashi asosini ushbu texnologiya tashkil etuvchi tarmoqlararo ekran ekspert satx brandmaueri deb yuritiladi. Bunday brandmauerlar o`zida ekranlovchi marshrutizatorlar va tatbiqiy satx shlyuzlari elementlarini uyg`unlashtiradi. Ular xar bir paket tarkibini berilgan xavfsizlik siyosatiga muvofiq baxolaydilar.
Shunday qilib ekspert satxidagi brandmauerlar quyidagilarni nazoratlashga imkon beradi:

• 
  mavjud qoidalar jadvali asosida xar bir uzatiluvchi paketni;
  

• 
  xolatlar jadvali asosida xar bir sessiyani;
  

• 
  ishlab chiqilgan vositachilar asosida xar bir ilovani.
  

Ekspert satx tarmoqlararo ekranlarining afzalliklari sifatida ularning foydalanuvchilar uchun shaffofligini, axborot oqimini ishlashining yuqori tezkorligini xamda ular orqali o`tuvchi paketlarning IP-adreslarini o`zgartirmasligini ko`rsatish mumkin. Oxirgi afazallik. IP-adresdan foydalanuvchi tatbiqiy satxning xar qanday protokolining bunday brandmauerlardan xech qanday o`zgarishsiz yoki maxsus dasturlashsiz birga ishlay olishini anglatadi.

Bunday brandmauerlarning avtorizatsiyalangan mijoz va tashqi tarmoq komp`yuteri orasida to`g`ridan-to`g`ri ulanishga yo`l qo`yishi, ximoyaning unchalik yuqori bo`lmagan darajasini ta`minlaydi. Shu sababli amalda ekspert satxini fil`trlash texnologiyasidan kompleks brandmauerlar ishlashi samaradorligini oshirishda foydalaniladi. Ekspert satxning fil`trlash texnologiyasini ishlatuvchi kompleks brandmauerlarga misol tariqasida Fire Wall- 1 va ON Guardlarni ko`rsatish mumkin.

3.