O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

KORXONALAR, MUASSASALAR, TASHKILOTLAR, JAMOAT BIRLASHMALARI VA MANSABDOR SHAXSLAR BERGAN XABARLAR – yuridik shaxslarning jinoyat toʻgʻrisidagi yozma (xizmat xati, tasdiqlangan telefonogramma, telegramma, radiogramma shaklida) bayon etilgan murojaati.

M

MAXSUS TERGOVGA TEGISHLILIK – jinoyat subyektining xususiyatlari bilan bogʻliq boʻlib, u jinoyat ishlarining harbiy prokuratura organlarining tergoviga tegishlikni belgilaydi.

MUQOBIL TERGOVGA TEGISHLILIK – muayyan turdagi jinoyatlar toʻgʻrisidagi ishlarni jinoyat ishini qoʻzgʻatgan organning tergovchilari tomonidan tergov qilinishi.

O

OMMAVIY AXBOROT VOSITALARI BERGAN XABARLAR – jinoyat toʻgʻrisida matbuot, radio va televideniye orqali e’lon qilingan, shuningdek ommaviy axborot vositalariga yoʻllangan, lekin e’lon qilinmagan xatlardagi xabarlar.

P

PROKUROR – Oʻzbekiston Respublikasi Konstitutsiyasining 118-moddasiga koʻra mamlakatimiz hududida qonunlarning aniq va bir xilda ijro etilishi ustidan nazorat qilish vazifasi yuklatilgan davlat organining mas’ul mansabdor xodimi.

S

SURISHTIRUVCHI – JPKning 38-moddasida koʻrsatilgan surishtiruv organlarida surishtiruvchi (surishtiruv organining rahbari) lavozimida xizmat qiladigan mansabdor shaxs.

SUD TERGOVI – yangi protsessual sharoitda dalillarni mustaqil va ijodiy ravishda tekshirish bosqichi. Bu bosqichda har bir dalil sud tomonidan har tomonlama va batafsil tekshirib chiqilishi kerak.