O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

JINOYAT ISHINI QOʻZGʻATISH SABABI – JPKda belgilangan va oʻzida tayyorlanayotgan yoki sodir etilgan jinoyat haqida ma’lumot beradigan manbalar.

JINOYAT ISHINI QOʻZGʻATISH HAQIDAGI QAROR – muhim protsessual hujjat boʻlib, surishtiruv organi, tergovchi, prokuror tomonidan chiqariladi, uchta qism: kirish, tavsiflash-asoslantirish va xulosa qismlaridan iborat boʻladi.

JINOYAT ISHINI QOʻZGʻATISHNING SUBYEKTLARI – tergovga qadar tekshiruvni amalga oshiruvchi organning mansabdor shaxsi, surishtiruvchi, tergovchi va prokuror.

JINOYAT ISHINI QOʻZGʻATISHNI RAD ETISH – jinoyat ishini qoʻzgʻatish asoslari mavjud boʻlmagan taqdirda shuningdek ish yuritishni istisno etuvchi holatlar (JPKning 83-moddasi 1- va 2-bandlari va 84-modda) aniqlangan taqdirda, tergovga qadar tekshiruvni amalga oshiruvchi organning mansabdor shaxsi, surishtiruvchi, tergovchi yoki prokuror tomonidan qaror, sud tomonidan ajrim (JPKning 84-moddasi 1-qismi 2-bandi) chiqarish orqali jinoyat ishini qoʻzgʻatish maqsadga muvofiq emasligini belgilashdir.

JINOYAT HAQIDAGI ARIZA YOKI XABAR YUZASIDAN QABUL QILINADIGAN QARORLAR: 1) jinoyat ishini qoʻzgʻatish toʻgʻrisida; 2) jinoyat ishini qoʻzgʻatishni rad etish toʻgʻrisida; 3) ariza yoki xabarni tergovga tegishliligiga qarab joʻnatish toʻgʻrisida.

JINOYATNING TURIGA KOʻRA (PREDMETLI) TERGOVGA TEGISHLILIK – Jinoyat kodeksi Maxsus qismining moddalari ularning tartib raqamlaridan kelib chiqqan holda jinoyat ishini tergov qilishning dastlabki tergov va surishtiruv organlari tomonidan tergov qilinishining taqsimlanishi qoidalari.

JINOYAT ISHLARINING ALOQASI BOʻYICHA TERGOVGA TEGISHLILIK – boshqa belgilari boʻyicha turli dastlabki tergov organlari tergoviga tegishli boʻlgan bir necha jinoyat ishini birlashtirib tergov qilish.

K