O’zbekiston qishloq xo’jaligi

Chorvachilik. O’zbekiston chorvachiligi ko’p tarmoqlidir. Shu jihatdan mamlakatimizda chorvachilikni rivojlantirishning regionlar va geografik mintaqalararo farqli jihatlari bor. M, qoramollar (va shu jumladan sog’in sigirlar) sug’oriladigan hamda lalmikor zonalarda, qorako’l qo’ylari cho’l yaylovlarida, hisori quylar tog’ yonbag’irlaridagi yaylovlarda, mayin jun beradigan echkilar tog’li zonada, parrandalar donkur rayonlarda yaxshi rivojlantirilgan.
Respublika chorvachiligi qishloq xo’jaligining dehqonchilikdan keyin muhim tarkibiy qismi bo’lib, u aholining kundalik go’sht, sut, yog’, tuxum va boshqa chorvachilik mahsulotlariga bo’lgan ehtiyojini qondirishga xizmat qiladi. Mustahkam ozuqa bazasini yaratish chorvachilikni rivojlantirish va mul chorvachilik mahsulotlari yetishtirishning asosi hisoblanadi. Shuning uchun ham respublikadagi mavjud yaylovzorlar holatini yaxshilash (sug’orish), ozuqabop ekinlar maydonini kengaytirish, paxta yem ishlab chiqarishni ko’paytirish ishlariga katta e’tibor beriladi.

Xulosa
Qishloq xo’jaligi rivojlangan O’zbekistonda sanoatning bu turi qadimdan shakllangan va rivojlanish bosqichini davrlararo o’tagan. Dastlab suv tegirmonlarida un, objuvozlarda guruch, juvozlarfa o’simlik moyi, novvoyxonalarda nonlar tayyorlangan, qandolatchilar turli xil shirinliklar, uzumdan musallas, tariqdan bo’za va boshqa sharbatli va suyuq ichimliklar tayyorlaganlar. Oziq- ovqat sanoatining yetakchi tarmog’i go’sht ishlab chiqarishdir. Mustaqillik yillarida mamlakatimizning turli geografik rayyonlarida jamoa, davlat, shirkat va fermer xo’jaliklari va tadbirkorlar tomonidan zamonaviy texnologiya bilan jihozlangan go’sht mahsulotlari va turli kolbasalar ishlab chiqaradigan ko’pgina kombinatlar qurildi. Jumladan, birgina ,,O’zbekbirlashuv” tarkibida kolbasa mahsuloti ishlab chiqaradigan 34 ta sex barpo qilindi. Respublika go’sht sanoatida Germaniya va Turkiya firmalari bilan hamkorlikda yarim tayyor go’sht mahsulotlari ishlab chiqarish, go’shtni qadoqlash, ichak mahsulotlari tayyorlash va ularni o’rab, iste’molga chiqarish ishlari yo’lga qo’yilgan.