O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

Tibbiy-ijtimoiy markazlar tibbiy-ijtimoiy ta’minot xizmatining faoliyatini muvofiqlashtirish maqsadida tashkil qilingan markazlar bo’lib, ularning asosiy vazifasi keksa yoshdagi kishilar va nogironlarga tibbiy-ijtimoiy xizmat ko’rsatishni nazorat qilish va muvofiqlashtirish, keksalarning jismoniy va ruhiy sog’lig’ini mustahkamlash, ishlab chiqarish va ijtimoiy faolligini oshirish, ijtimoiy-huquqiy, kasbiy-gigiyenik masalalar bo’yicha maslahatlar tashkil qilishdir.

Tibbiy-ijtimoiy ekspertiza muayyan shaxs organizmining barcha tizimlarini kompleks tekshirish asosida uning sog’lig’ini yo’qotganlik darajasini, organizmi funksiyalari turg’un buzilishi oqibatida turmush faoliyatining cheklanganlik darajasi, nogironlik guruhi, nogironlikning yuz berganligi sabablari hamda vaqtini aniqlash, shuningdek, shaxs uchun sog’lig’ining holatiga ko’ra amalga oshirishi mumkin bo’lgan mehnat faoliyati turlari va mehnat sharoitlari, o’zgalarning parvarishi, sanatoriy-kurortda davolanishning tegishli turlari hamda ijtimoiy himoyaga bo’lgan ehtiyojlari haqida tavsiyalar tayyorlash.