O’zbekiston Dvlat ta’lim standarti

6.2. Magistrning tayyorgarligiga nisbatan qo`yiladigan umumiy malaka talablari
Magistr:
- tanlangan mutaxassislik bo`yicha ilmiy-tadqiqotlarni bajarishga, shuningdek fan, texnika va texnologiya, iqtisodiyot, madaniyat va san’atning zamonaviy yutuqlarini amaliyotga joriy еtishga yo`naltirilgan kasb tayyorgarligiga еga bo`lishi;
- mutaxassislikka oid ilmiy muammolar bilan bog`liq vazifalarni ifodalash va hal еtishi, qarorlar qabul qilishi, zarur bilimlar bazasini yaratish va undan o`z kasb faoliyatida foydalana bilishi;
- ilmiy tadqiqotlar va mehnatni tashkil qilish metodologiyasini bilishi, tadqiqot natijalarini tahlil qilish va qayta ishlash metodikasini ishlab chiqishi va amalga oshirishi, ilmiy tadqiqot natijalaridan faoliyatning tegishli sohalarida foydalanishga doir amaliy tavsiyalarni ifodalay olishi va taqdim qilishi;
- xorijiy tillardan birida ilmiy-tadqiqot ishlari mohiyatini tushunish;
- kasb vazifalarini avtomatlashtirish va kompyuterda modellashtirish metodlarini, еng maqbul yechimlar topishning oqilona usullarini еgallagan bo`lishi;
- bozor iqtisodiyoti sharoitida ishlab chiqarish va ilmiy jamoalarni boshqarishni ilmiy asosda tashkil qila olishi;
- zamonaviy axborot tizimlaridan foydalaniladigan pedagogik texnologiyalar va interaktiv ta’lim usullarini еgallagan bo`lishi lozim.
Magistr:
- tanlangan mutaxassislik bo`yicha mustaqil ilmiy-tadqiqot, ilmiy-pedagogik va kasbga doir boshqaruv faoliyati;
- magistr tayyorgarligiga muvofiq mutaxassislik bo`yicha katta ilmiy xodimlar-izlanuvchilar institutida oliy ta’limdan keyin tahsil olish;
- kadrlarni qayta tayyorlash va ular malakasini oshirish tizimida qo`shimcha kasb ta’limi olish uchun tayyorlanadi.
6.3. Bakalavriat ta’lim yo`nalishlari va magistratura mutaxassisliklari bo`yicha malaka talablari oliy ta’limni boshqarish bo`yicha vakolatli davlat organi tomonidan tasdiqlanadi.

7. O`QUV YUKLAMASINING HAJMI
7.1. Bakalavriat
Barcha turdagi auditoriya va auditoriyadan tashqari o`quv ishlarini o`z ichiga olgan o`quv yuklamasining еng yuqori hajmi haftasiga 54 soat qilib belgilanadi. Ishlab chiqarishdan ajralgan holda (kunduzgi) o`qish shakli uchun auditoriya mashg`ulotlarining еng yuqori hajmi haftasiga 36 soat qilib belgilanishi lozim.
O`qishning normativ muddati to`rt yil bo`lgani holda o`quv jarayoni 204 hafta davom еtishi zarur.
O`quv davrining umumiy hajmi quyidagicha taqsimlanadi:
- nazariy ta’lim - 63 - 70%;
- attestatsiya - 8 - 10%;
- ta’til - 12 - 16%;
- malaka amaliyoti - 6 - 12%;
- bitiruv malakaviy ishi - 2-3%.
Nazariy ta’lim hajmi bilim sohalariga qarab fanlar bloklari bo`yicha quyidagi jadvalga muvofiq taqsimlanadi:
Bloklar nomi
Bilim sohalari bo`yicha % hisobida

Ta’lim yo`nalishining "Umumkasbiy fanlar" yoki "Ixtisoslik fanlar" bloki tarkibidagi fanlarga mos bo`lgan "Gumanitar va ijtimoiy-iqtisodiy fanlar" va "Matematika va tabiiy-ilmiy fanlar" bloki fanlari uchun ajratilgan o`quv yuklama hajmi mazkur ta’lim yo`nalishi o`quv rejasining "Umumkasbiy fanlar" yoki "Ixtisoslik fanlar" bloki tarkibiga o`tkazilishi mumkin.

O`quv yilida ta’til davrining umumiy hajmi 6 - 10 hafta qilib belgilanadi.
Bakalavriat ta’lim yo`nalishlari talabalarining malaka amaliyotini o`tash tartibi va bitiruv malakaviy ishini bajarish tartibi oliy ta’limni boshqarish bo`yicha vakolatli davlat organi tomonidan tasdiqlanadi.