O‘zbekiston davlat jahon tillari universiteti

Keyslar tipologiyasi

Tipologik belgilari	Keys turi
Asosiy manbalari bo‘yicha	Bevosita ob’ektda
	Ta’lim jarayonida
	Ilmiy-tadqiqotchilik faoliyatida
Syujet mavjudligi	Syujetli
	Syujetsiz
Vaziyat bayonining vaqtdagi izchilligi	O‘tmish va bugun
	Avval bo‘lib o‘tgan voqea
	Istiqbolga yo‘naltirilgan
Keys ob’ekti	Alohida ob’ektga
	Tashkiliy
	Ko‘p ob’ektli
Materialni taqdim etish usuli	Hikoya
	Esse
	Tahlili ma’lumot
	Jurnalistik
	Hisobot
	Ocherk
	Faktlar majmui
	Statistik materiallar
	Hujjatlar
O‘quv topshirig‘ini taqdim etish usuli	Savolli
	Topshiriq tarzida
Didaktik maqsadlari	Muammo, yechim, konsepsiya
	Biror mavzuga bag‘ishlangan trening
	Tahlil va baholov
	Muammoni ajratish, yechish, boshqaruvga doir qarorlar qabul qilish
Taqdim etish usuliga ko‘ra	Bosma
	Elektron
	Video-keys
	Audio-keys
	Multemedia-keys

O‘quv keyslarining muhim xarakterli jihatlari va zamonaviy o‘qitish amaliyotida o‘quv keyslarining turlari
O‘quv keyslarining muhim xarakterli jihatlari talabalarga muammoli vaziyatni hal etish yuzasidan talabalar e’tiboriga adabiyotlar ro‘yxatining taqdim etilishi, ularga metodik ko‘rsatma, yo‘riqnomalarning berilishi va albatta, o‘qituvchi tomonidan muammoning yechimi bo‘yicha o‘z variantining taqdim etilishi sanaladi. Adabiyotlar ro‘yxati o‘rganilayotgan muammoga bevosita taalluqli bo‘lishi zarur.
Ta’lim jarayonida o‘quv keyslarini qo‘llashda jarayon (mashg‘ulot) yakunida albatta o‘qituvchi (keyolog)ning yechimi taqdim etilishi zarur. Buning didaktik ahamiyati bu yechim asosida talabalarning o‘z o‘quv-bilish harakatlarining qanchalik to‘g‘ri, samarali, maqsadga muvofiq amalga oshira olganliklarini tahlil qilish, solishtirish, yo‘l qo‘ygan xatolarini aniqlash imkoniyatini yaratishi bilan belgilanadi. Keyslar tipologiyasida o‘quv topshirig‘ini taqdim etish usuli savolli hamda topshiriqli bo‘lishi ko‘rsatilgan. SHunga ko‘ra talabalarning e’tiborlariga havola etiladigan keyslar yoki savolli, yoki topshiriqli bo‘lishi mumkin.
Agar keys savolli-keys bo‘lsa, u holda muammo yoki muammoli vaziyatni tahlil qilish va yechishga oid bir necha savollar keltiriladi.M: 1. YOshlarning “ommaviy madaniyat” ta’siriga berilishining asosiy omillari nimalardan iborat?
YOshlarning “ommaviy madaniyat”ta’siriga berilishlarida OAVning o‘rni va rolini qanday aniq dalillar asosida baholay olasiz?
Agar keys topshiriqli-keys bo‘lsa, u holda keysni yechish jarayonida bajarilishi zarur bo‘lgan topshiriqlar beriladi. M:
1. YOshlarni “ommaviy madaniyat”ning salbiy ta’siridan himoyalash omillarini aniqlang.
2. YOshlarda “ommaviy madaniyat”ga qarshi immunitetni samarali shakllantirish yo‘llarini belgilang.
Pedagogik turkum fanlarni o‘qitishda ushbu keyslardan samarali, maqsadli va o‘rinli foydalanish uchun zarur sharoitlar mavjudligi aniqlandi. Quyidagi misollar ushbu fikrning to‘g‘riligini tasdiqlaydi.

1.