O‘zbekiston davlat jahon tillari universiteti

Interfaol ta’lim quyidagi imkoniyatlarga ega:
- talabalarda bilimlarni o‘zlashtirishga bo‘lgan qiziqishni uyg‘otadi;
- ta’lim jarayonining har bir ishtirokchisini rag‘batlantiradi;
- har bir talabaning ruhiyatiga ijobiy ta’sir ko‘rsatadi;
- o‘quv materialining puxta o‘zlashtirilishi uchun qulay sharoit yaratadi;
- talabalarga ko‘p tomonlama ta’sir ko‘rsatadi;
- talabalarda mavzular bo‘yicha fikr hamda munosabatni uyg‘otadi;
- talabalarda hayotiy zarur ko‘nikma, malakalarni shakllantiradi;
- talabalarning xulq-atvorini ijobiy tomonga o‘zgartirilishini ta’minlaydi.
Ta’limni tashkil etishga interfaol yondashuvni qaror toptirish uchun o‘qituvchilar bir qator shartlarga rioya etishlari zarur. Ular:

• 
  ta’lim jarayoniga jamoadagi barcha o‘quvchilarning to‘la qamrab olinishi;
  
• 
  o‘quvchilarning mashg‘ulotlarga ruhan tayyorgarliklarini inobatga olish;
  
• 
  o‘quvchilar sonining ko‘p bo‘masligi;
  
• 
  o‘quv xonasining jihozlanishi;
  
• 
  topshiriqni bajarish, materialni taqdim etish, guruhlarning ishlanmalarini muhokama qilish uchun vaqtning aniq belgilanishi;
  
• 
  o‘quvchilarning kichik guruhlarga mohirona biriktirilishi.
  

Interfaol ta’lim asosini interfaol metodlar tashkil etadi. O‘qitishning interfaol metodlari:
1. Kognitiv (cognito – lotincha so‘z, «bilim», «bilish» ma’nosini anglatadi) – eng avvalo, o‘quvchi-talabalarni tafakkurini shakllantirishga yo‘naltirilgan, u yoki bu shaklda jamoa muhokamasini tashkil etish bilan bog‘lik bo‘lgan metoddir.