O‘zbekistan temir yo‘llari

95. Poezdlarning ikki yo‘lli uchastkalarining peregonlarida uchrashganida bitta uzun hushtak orqali xabarlash signallari uzatiladi: birinchichsi - qarama-qarshi poezdga yaqinlashganda, ikkinchisi - qarama-qarshi poezdning oxiriga yaqinlashganda.
96. Poezdning yaqinlashishi xaqida tovushli signallar quyidagilar tomonidan uzatiladi: peregonda – temir yo‘llar va sun’iy inshootlar ko‘ruvchilari, o‘tish joylari navbatchilari, yo‘l ishlari va kontakt tarmog‘i bo‘yicha ishlar rahbarlari, yo‘ldan olinuvchi ta’mirlash moslamalari va yo‘l vagonchalarini kuzatuvchi ishchilar; stansiyada – signalchilar va kirish strelka post navbatchilari. Toq yo‘nalish poezdining yaqinlashishi xaqida xabar bitta, juft yo‘nalish poezdining esa ikkita uzun tovushli signal orqali uzatiladi.
Signalchilar va kirish strelka postlari navbatchilari poezd jo‘natilish signalini eshitgach, bitta uzun tovushli signal beradilar.
97. DATK raisi belgilagan ro‘yxat bo‘yicha yirik shaharlar va aholi punktlari, nazorat joylarda joylashgan stansiyalar va peregonlarda lokomotivlar (motorvagon poezdlar), maxsus o‘ziyurar harakat tarkibi tomonidan uzatiladigan tovushli signallar, lokomotivlarning poezdlarda turtki tartibida harakatlanganda, odamlar yoki to‘siqlarni bosib ketish xavfi tug‘ilganda hamda hushyorlik va xavf (trevoga) signallarini uzatish hollaridan tashqari vaziyatlarda past tovushda uzatilishi kerak.
Ushbu stansiyalarda poezdlarning jo‘natilishida, avtotormozlarni sinashda va depo yo‘llari bo‘ylab harakatlanganda lokomotiv (motorvagon poezd), maxsus o‘ziyurar harakat tarkibi hushtagi orqali signallar uzatilmaydi. Bunday stansiyalarda yo‘lovchilarni poezdlar jo‘nash xaqida ogohlantirish tartibi DATK raisi tomonidan o‘rnatiladi.
9-BOB


XAVF SIGNALLARI VA
MAXSUS KO‘RSATKICHLAR


98. Xavf signallari lokomotivlar (motorvagon poezdlar) va maxsus o‘ziyurar harakat tarkibining gudoklari, hushtaklari, sirenalar, damli naylar, harbiy signal trubalar, osilgan metall predmetlarga zarbalar orqali uzatiladi.
Tovushli signallar sxemasida belgilangan tovushlar zarbalar orqali quyidagicha uzatiladi:
uzun-tez-tez beriluvchi zarbalar;
qisqa – zarur bo‘lgan qisqa tovushlar soniga mos bittalik zarbalar.