O‘zbekistan temir yo‘llari

Rasm 3.9


38. To‘xtash yoki tezlikni cheklash signallari bilan chegaralashni talab qilmaydigan, lekin ishlayotganlarni poezd yaqinlashayotgani xaqida ogohlantirish talab etiladigan ishlar olib borilayotgan joylar «S» - hushtak chalish ko‘chma signal belgisi bilan to‘siladi. U ishlar olib borilayotgan yo‘lning yoniga, shuningdek, har bir qo‘shni asosiy yo‘llarning yoniga o‘rnatiladi (rasm 3.10).
«S» ko‘chma signal belgilari xuddi shunday tartibda qo‘shni asosiy yo‘llar yoniga hamda ishlar olib borilayotganda, to‘xtash signallari bilan (rasm 3.4, b va 3.5) yoki tezlikni cheklash signallari bilan to‘silganda ham o‘rnatiladi.


Rasm 3.10


Poezdlar 120 km/soat dan ortiq tezlikda harakatlanuvchi peregonlarda «S» belgili ko‘chma signallar ishlar olib borilayotgan joy uchastkasi chegarasidan 800-1500 m masofada o‘rnatiladi.
POEZDLAR HARAKATI UCHUN TO‘SIQ JOYLARNI VA
ISHLAR OLIB BORILAYOTGAN JOYLARNI
STANSIYALARDA TO‘SISH


39. Poezdlar harakati uchun stansiya yo‘llari va strelkali o‘tkazgichlardagi har qanday to‘siq poezd (manyovr tarkibi) kutilayotgani yoki kutilmayotganidan qat’iy nazar to‘xtash signallari bilan to‘silishi kerak.
Stansiyaning yo‘llarida ishlar olib borilayotgan yoki to‘siq joylarni to‘xtash signallari bilan to‘sganda, bu joyga yo‘nalgan strelkali o‘tkazgichlar shunday holatda o‘rnatiladiki, ularga harakat tarkibi kira olmasin hamda burilmaydigan qilib mix qoziqlar bilan mahkamlanadi yoki qulflanadi. To‘siq yoki ishlar olib borilayotgan joyni to‘sish uchun ko‘chma qizil signal yo‘l o‘qiga o‘rnatiladi (rasm 3.11, a).
Agar biror sababga ko‘ra strelkali o‘tkazgichning ostryaklari to‘siq bor joyga yoki ishlar olib borilayotgan joy tarafiga yo‘naltirilgan bo‘lsa va bu yo‘lni ajratishning iloji bo‘lmasa, u holda bunday joy ikkala tarafdan ishlar olib boriladigan yoki to‘siqli joy chegarasidan 50 m masofada o‘rnatiluvchi ko‘chma qizil signallar bilan to‘siladi (rasm 3.11, b). Bu holda strelkali o‘tkazgichning ostryaklari to‘siq yoki ishlar olib borilayotgan joydan 50 m dan yaqin masofada joylashgan bo‘lsa, har bir strelkali o‘tkazgich ostryaklari o‘rtasiga ko‘chma qizil signal o‘rnatiladi (rasm 3.11, v).