52
веб-сайтларында жəриялаў, сондай-ақ, олардың ҳəкимшилик
имаратында ҳəмме кириўи мүмкин болған орынлардағы стенд-
лерге яки басқа техникалық қуралларға жайластырыў арқалы
мəпдар шахслардың итибарына жеткериледи. Мəмлекетлик
ҳəкимият ҳəм басқарыў органларының рəсмий
веб-сайтлары
Интернет жəҳəн мəлимлеме тармағындағы усы органларға яки
бойсыныў тəртибинде жоқары турыўшы органға тийисли болған
ҳəм олардың искерлиги ҳаққындағы мəлимлемени өз ишине
алған рəсмий веб-сайт сыпатында идентификацияланатуғын,
ҳəмме пайдаланыўы мүмкин болған ресурс болып есапланады.
Мəмлекетлик ҳəкимият ҳəм басқарыў органларының
рəсмий
веб-сайтларында, усы Нызамның 8-статьясы үшинши
бөлиминде нəзерде тутылған шəртли мəлимлемеден тысқары,
төмендегилер жайластырылыўы мүмкин:
– мəмлекетлик ҳəкимият ҳəм басқарыў органларының бас-
шылары ҳаққындағы мағлыўматнама түриндеги мəлимлеме
(биографиялық мағлыўматлар, пуқараларды қабыллаў күнлери
ҳəм т.б.);
– мəмлекетлик ҳəкимият ҳəм басқарыў органларының ҳəм
олардың қурамындағы ҳəм аймақлық бөлимлериниң ис тəртиби
ҳаққындағы мағлыўматлар, олардың телефон номерлери менен
почта мəнзиллери;
– электрон почта мəнзиллери, мағлыўмат хызмети
телефонларының ҳəм исеним телефонларының номерлери,
жəмийетлик транспорт қатнаў жоллары, тоқтаў орынларының
атлары ҳəм жөнелис номерлери;
– мəмлекетлик ҳəкимият ҳəм басқарыў органларының бас-
шылары, сондай-ақ, усы органлар тəрепинен ўəкиллик берилген
лаўазымлы шахслар шығып сөйлеўлериниң ҳəм баянатларының
текстлери;
– мəмлекетлик ҳəкимият ҳəм басқарыў органлары жанында
ғалаба хабар қураллары ўəкиллерин аккредитациялаў тəртиби
ҳаққында мəлимлеме;
53
– мəмлекетлик ҳəкимият ҳəм басқарыў органлары тəрепинен
көрсетилетуғын мəмлекетлик хызметлердиң дизими;
– мəмлекетлик ҳəкимият ҳəм басқарыў органларының ис-
керлиги ҳаққындағы аналитикалық баянатлар ҳəм мəлимлеме
түриндеги шолыўлар;
– арзаларды, усынысларды, шағымларды қабыллаў тəртиби
ҳаққындағы мəлимлеме;
– мəмлекетлик ҳəкимият ҳəм басқарыў органларының ис-
керлиги ҳаққындағы мəлимлеме алыў бойынша сораўларды
қабыллаў тəртиби ҳаққындағы мəлимлеме;
– келип түскен арзаларды, усынысларды, шағымларды,
сондай-ақ, мəмлекетлик ҳəкимият ҳəм басқарыў органларының
искерлиги ҳаққындағы мəлимлеме алыўға
байланыслы
сораўларды көрип шығыўдың улыўма нəтийжелери ҳаққындағы
мəлимлеме.
Мəмлекетлик ҳəкимият ҳəм басқарыў органларының рəсмий
веб-сайтларында нызам ҳүжжетлерине муўапық олардың ис-
керлиги ҳаққындағы басқа мəлимлеме де жайластырылыўы
мүмкин.
Мəмлекетлик ҳəкимият ҳəм басқарыў органларының
рəсмий веб-сайтларындағы мəлимлеме мəмлекетлик тил-
де жайластырыўы керек. Рəсмий веб-сайт басқа тиллердеги
версияларға да ийе болыўы мүмкин.
1
Мəмлекетлик ҳəкимият ҳəм басқарыў органлары тəрепинен
өз рəсмий веб-сайтында жайластырылатуғын мəлимлемениң
сəнеси қойылған болыўы ҳəм ол ўақты-ўақты менен жаңаланып
барылыўы керек. Мəлимлемени жаңалап барыў ўақты
мəмлекетлик ҳəкимият ҳəм басқарыў органлары тəрепинен бел-
гиленеди, бирақ ол ҳəптесине бир мəртеден кем болмаўы керек.
1
2014-жыл 5-майда қабыл етилген «Мəмлекетлик ҳəкимият ҳəм басқарыў органлары
искерлигиниң ашықлығы ҳаққында»ғы Нызамы. //Өзбекистан Республикасының ны-
зам ҳүжжетлери топламы, 12-май 2014-ж., № 19, 209-ст.
54
Мəмлекетлик ҳəкимият ҳəм басқарыў органларының
рəсмий веб-сайтларында жайластырылған мəлимлеме исе-
нимли болыўы керек ҳəм ол ғалаба хабар қуралларында
жəрияланатуғын мəлимлеме менен тең күшке ийе болады.
Мəмлекетлик ҳəкимият ҳəм басқарыў органлары өзлери
ийелеп турған ҳəмме кириўи мүмкин болған бөлмелерде
ҳəм (яки) басқа ажыратылған орынларда тийисли органның
искерлиги ҳаққындағы мəлимлеме менен мəлимлемеден
пайдаланыўшылар танысыўы ушын мəлимлеме стендлерин
ҳəм (яки) сондай мақсет ушын арналған басқа техникалық
қуралларды жайластырыўы шəрт.
Мəлимлеме стендлеринде ҳəм (яки) сондай мақсет ушын
арналған басқа техникалық қуралларда нызам ҳүжжетлерине
муўапық мəмлекетлик ҳəкимият ҳəм басқарыў органларының
искерлиги ҳаққындағы басқа мəлимлеме де болыўы мүмкин.
Do'stlaringiz bilan baham: