Өзбекистан республикасының физикалық ҲƏм юридикалық шахслардың

20-статья. Мүрəжатларды көрмей қалдырыў
Төмендеги мүрəжатлар көрип шығылмайды:
аноним мүрəжатлар;
1
Сонда, 41-б.

---

110
физикалық ҳəм юридикалық шахслардың ўəкиллери 
арқалы берилген мүрəжатлар, олардың ўəкиллигин 
тастыйықлаўшы ҳүжжетлер болмаған жағдайда;
нызамда белгиленген басқа талапларға муўапық 
болмаған мүрəжатлар.
1. Аноним мүрəжатларды көрмей қалдырыў.
Түсиник берилип атырған статья мүрəжатларды көрмей 
қалдырыў мəселелерине бағышланған. 
Бул статьяның екинши бөлимине муўапық, аноним 
мүрəжатлар көрип шығылмайды.
Түсиник берилип атырған Нызамның 6-статьясы алтыншы 
бөлимине муўапық, физикалық шахстың фамилиясы (исми, 
əкесиниң исми), оның жасаў орны туўралы мағлыўматлар яки 
юридикалық шахстың толық аты, оның жайласқан жери (по-
чта мəнзили) туўралы мағлыўматлар көрсетилмеген ямаса олар 
туўралы жалған мағлыўматлар көрсетилген, сондай-ақ, имза 
(электрон санлы имза) менен тастыйықланбаған мүрəжатлар 
аноним мүрəжатлар деп есапланады. Бул ақылға муўапық 
норма. Мəселен, егер мүрəжатта арыз етиўшиниң мəнзили 
көрсетилмеген болса, оған жуўапты қай жерге жибериў нəмəлим 
екенлиги өз-өзинен түсиникли. Ал мүрəжатта баян етил-
ген фактлерди тексериў зəрүрлиги туўылған, ямаса усы факт 
бойынша басқа да бир ҳүжжетлерди тапсырыў керек болған 
жағдайларда арыз етиўши менен байланысыў мүмкиншилиги 
болмайды. Бул арыз етиўшиниң исми менен имзасына да тий-
исли, оларсыз арыз етиўшини табыў ҳəм идентификациялаў 
мүмкин емес. 
Жазба мүрəжат мүрəжат етиўши физикалық шахстың им-
засы яки мүрəжат етиўши юридикалық шахс басшысының 
ямаса ўəкилликли шахсының имзасы менен тастыйықланған 
болыўы лазым. Физикалық шахстың жазба мүрəжатын мүрəжат 
етиўшиниң имзасы менен тастыйықлаў имканы болмаған 

---

111
жағдайда, бул мүрəжат оны жазып берген шахстың имзасы ме-
нен тастыйықланып, оның фамилиясы (исми, əкесиниң исми) 
да қосымша түрде жазып қойылыўы керек.
Электрон 
мүрəжат 
электрон 
санлы 
имза 
ме-
нен тастыйықланған ҳəм электрон ҳүжжеттиң оны 
идентификациялаў имканиятын беретуғын басқа реквизитле-
рине ийе болған электрон ҳүжжет формасында болыўы керек.
Улги Режениң 43-бəнтине муўапық, мүрəжатты толығы 
менен аноним деп тəн алыў ушын мүрəжатлар менен ислеў 
бойынша бөлимше ямаса мүрəжатты көрип шығыўшы қурам 
бөлими тəрепинен əмелге асырылады.
1
Мүрəжат аноним деп тəн алынғанда бул туўралы жуўмақ 
дүзиледи. Жуўмақта мүрəжатты аноним деп тəн алыў ушын 
тийкарлар көрсетиледи. Мүрəжатты аноним деп тəн алыў 
туўралы қарар мүрəжатлар менен ислеўши бөлимше басшысы 
яки қурам бөлими басшысы тəрепинен тастыйықланады.
Мəмлекетлик органлардың «исеним телефонлары»на келип 
түскен мүрəжатлар Нызамда ҳəм үлги Режеде нəзерде тутылған 
тəртипте аноним деп тəн алыныўы мүмкин.
Аноним деп тəн алынған мүрəжатлар жуўмақ тастыйықланған 
ўақыттан баслап қадағалаўдан яки орынлаўдан алынады.