O`zbekistan respublikasi xaliq biLİmlendiRİw miNİstrliGİ

I. Oqıw pániniń áhmiyetliligi hám joqarı kásiplik bilimlendiriwdegi ornı.
Dástúr ana tili oqıtıw metodikasınıń tariyxı hám rawajlanıwı, ana tili tálimi tarawın shólkemlestiriw formaları hám mazmunı,oqıtıw usılları kibi máselelerin óz ishine alǵan. Metodika pánin úyreniw talabalardı kishi jastaǵı balalardı oqıtıwǵa hám tárbiyalawǵa tiyisli máselelerdi óz betinshe hám anıq sheshiwge tayarlaw, sonday-aq, tálim hám tárbiya teoriyasın hám ámeliyatın óz betinshe úyreniwdii dawam ettiriw ushın, taza baspadan shıǵarılǵan metodikalıq ádebiyatlardı úyreniw ushın jazıw tájiriybesin tarkibiy bahalaw hám ulıwmalastırıw ushın zárúr bolǵan kónlikpeler menen qurallantırıladı.

“Ana tili oqıtıw metodikası” páni ulıwma kásiplik pánler blogına kiritilgen kurs esaplanıp, 2- hám 3-kurslarda oqıtılıwı maqsetke muwapıq. Bul pán gumanitar pánler quramına kiredi hám “Baslawish tálim hám sport tárbiyaliq is” bakalavriat tálim baǵdarında oqıtıladı. Ana tili oqıtıw metodikası pánin puxta ózlestiriw teoriyalıq materiallardı biliw menen birge, talabalardıń pedagogikalıq ámeliyatı dáwirinde hám institutı pitkergennen keyingi jumıslarında kónlikpe sıpatında xızmet etedi.