O’zbekist

_O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI


SAMARQAND IQTISODIYOT VA SERVIS INSTITUTI


SERVIS FAKULTETI
“MARKETING” KAFEDRASI


5230400 - Marketing (tarmoqlar va sohalar bo’yicha) ta’lim yo’nalishi

“MARKETING” FANIDAN

KURS ISHI


Маvzu: Korxonaning raqobatbardoshligi va uni oshirish yo’llari
Ilmiy rahbar: “Marketing “ kafedrasi assistenti S.K.Boyjigitov
Bajardi: MR-319 guruh talabasi A.A.Abdukarimov


SAMARQAND-2022
REJA:
Kirish
1.Raqobat tushunchasi mohiyati va iqtisodiy kategoriya sifatida o’rni.
2.Korxonaning raqobatbardoshligi tushunchasi va tavsifi.
3.Raqobatbardoshlikni oshirish yo’llari va omillari.
4.“BMW” kompaniyasining jahon bozoridagi raqobatbardoshligi va marketing usullari.
Xulosa va takliflar
Foydalanilgan adabiyotlar ro`yxati


KIRISH
Kurs ishi mavzusining dolzarbligi. O’zbekiston iqtisodiyotining bozor munosabatlari nazorati ostida ishlab chiqarish va xizmat ko’rsatish ham yuqori darajada o’sib bormoqda. Shu munosabat bilan marketing haqidagi tushunchalarni yana ham kuchaytirish bizning respublikamiz uchun muhim element vazifa bo‘lib, xizmatlar va tovarlar bozorida marketing tushunchasining shakllantirilishi bozor infratuzilmamizning asosi marketing bo‘lishi kerakligi ko`rinib qolmoqda. Marketing — bozor, bozordagi harakat, faoliyat) — korxonaning tovarlar ishlab chiqarish va sotishini tashkil etish hamda boshqarish shakllarini o`z ichiga olgan keng tushuncha hisoblanadi . Marketing xizmatlari oxirgi o'n yil ichida eng tez rivojlanib borayotgan sohalardan biridir: uning o'sishi yiliga 15-20% ni tashkil etadi, bu ko'p talab qilinadigan mahsulotlar va iste'molchilik bozor tuzilmalariga qaraganda 1-1,5 baravar yuqoridir. Raqobatchilikning kuchayishi bozorlarning ko'pchiligida yuz berayotgan o'zgarishlarning keskin oshganini bilan bog'liqdir. Kelgusidagi noaniqliklar va tavakkalchiliklar bunda juda katta ahamiyatga ega, negaki qarorlar qabul qilish uchun axborotlar yetarli emasligi, ular olishi mumkin bo'lgan zararlar va yutuqlardan ham oshib ketadi. Bunday sharoitda faqat marketingi doimiy o'zgarib boruvchi tashkilot va muhitga ko'nikish usullarini astoydil izlaydigan kompaniyagina omon qolishi mumkin. O’zbekiston Respublikasining beshta ustuvor yo’nalishi bo’yicha Harakatlar strategiyasida “iqtisodiyot tarmoqlari uchun samarali raqobatbardosh muhitni shakllantirish hamda mahsulot va xizmatlar bozorida monopoliyani bosqichma-bosqich kamaytirish, prinsipial jihatdan yangi mahsulot va texnologiya turlarini o‘zlashtirish, shu asosda ichki va tashqi bozorda milliy tovarlarning raqobatbardoshligini ta’minlash” ¹- deb belgilab berilgan. Bunga ko’ra ishlab chiqarish va xizmatlar sohasida ham raqobat juda kuchayib ketmoqda. To’g’ri marketing tadqiqotlarini tanlash har bir korxona uchun muhimligi ko’rinib qoldi.
Kurs ishining maqsadi va vazifalari. Ushbu kurs ishining maqsadi va vazifalari shundan iboratki, Korxonalarda raqobatbardoshlikni nazariy va amaliy ko’rib chiqish va ularning takomillashtirishni o’rganishdan iborat.Bu maqsadga erishish uchun quyidagi vazifalar belgilab olindi:

• 
  Raqobat tushunchasining mohiyati va iqtisodiy kategoriya sifatida qo`llanilishi;
  
• 
  Korxonaning raqobatbardoshligi tushunchasi va tavsifi haqida amaliy va nazariy ma’lumotlar;
  
• 
  Raqobatbardoshlikni oshirish yo’llari va omillari tahlili;
  
• 
  .“BMW” kompaniyasining jahon bozoridagi raqobatbardoshligi va marketing usullari haqida ma`lumotlar;
  

1^ O’zbekiston Respublikasining beshta ustuvor yo’nalishi bo’yicha Harakatlar strategiyasi. PQ-4947