O’zbek tilidan uslubiy qo’llanma (Bakalavriatda rus tilida tahsil oladigan barcha yo’nalishdagi talabalar uchun)

ONA SHAHRIM
FE’L MAYLLARI VA FE’L NISBATLARI
1-topshiriq. Matnni o’qing va mazmunini so’zlab bering.
TOSHKENT
Toshkent - juda qadimiy va navqiron shahar. Uning yoshi 2000 yildan oshib ketgan. U tarixda Choch, Shosh, Binket kabi nomlar bilan atalgan.
Toshkent - go’zal shahar. Ayniqsa, mustaqillik yillarida uning chiroyi yanada ortib bormoqda. Ko’plab yangi binolar, ko’chalar barpo etilmoqda.
1977 - yilda Toshkent metrosining birinchi yo’nalishi ish boshlagan. Hozirda uning Chilonzor, O’zbekiston va Yunusobod bo’ylab poyezdlar qatnovi yo’lga qo’yilgan. Uning Alisher Navoiy, Amir Temur xiyoboni, Chorsu, Chilonzor kabi go’zal va ozoda bekatlari kishi ko’zini quvontiradi.
Toshkentda ko’plab madaniy muassasalar mavjud. Bog’lar, teatrlar, konsert zallari xalqimiz xizmatida. Toshkentda bir qancha muzeylar faoliyat yuritmoqda. Alisher Navoiy nomidagi adabiyot muzeyi, Temuriylar tarixi davlat muzeyi, Olimpiya shuhrati muzeyi shular jumlasidandir. Ular xalqimizning boy tarixi va bugungi yutuqlari haqida hikoya qiladilar.
Toshketnga har kuni minglab sayyohlar, chet ellik ishbilarmonlar, xalqaro delegatsiyalar tashrif buyuradilar. Shahrimiz mehmonlarni iliq qarshi oladi. Ular uchun shinam mehmonxonalar qurilgan. Muhimi mehmondo’st O’zbekiston xalqi ularni ochiq chehra bilan kutib oladi.
Jahonga yuz tutgan O’zbekistonimizning qadimiy va hamisha navqiron poytaxti Sharq yulduzi deb bejiz tarannum etilmasligini mehmonlarimiz ham ta’kidlashmoqda.
2-topshiriq. O’z shahringiz (qishlog’ingiz) haqida kichik hikoya tuzing.
3-topshiriq. Savollarga javob bering.
1. Toshkent ilgari qanday nomlanganini bilasizmi? 2. Toshkentning diqqatga sazovor joylaridan qayerlarni ayta olasiz? 3. Toshkent metrosi qachon ish boshlagan? 4. Toshkentdagi qaysi tarixiy obidalarni ayta olasiz? 5. Toshkentdagi muzeylardan qaysilarida bo’lgansiz?
Lug’at ishi
Navqiron молодой
Chiroy красота
Kishi ko’zini quvontiradi радует глаза
Faoliyat yuritmoq функционировать
Shular jumlasidan в том числе
Ishbilarmon предприниматель
предприимчивый
Tashrif buyurmoq пребывать, наносить визит
Iliq qarshi olmoq тепло встречать
Shinam уютный
Ochiq chehra bilan с улыбкой, добродушно
SAMARQAND
Samarqand O’zbekistondagi eng ko’hna shaharlardan biridir. U 2500 yildan oshiq tarixga ega. Shahar 1925-1930 - yillarda O’zbekistonning poytaxti bo’lgan. Samarqand Zarafshon vodiysining janubi- g’arbida Toshkentdan 351 km uzoqlikda joylashgan. Aholisi 800 ming kishidan oshiq.
Samarqand Timur davlati poytaxti sifatida Hindiston, Eron, Misr va Vizantiya davlatlari bilan qadimdan savdo - sotiq qilgan. XIV - asrgacha shahar turli mamlakat bosqinchilarining hujumiga duch keldi va qo’ldan-qo’lga o’tib turdi.
Samarqand XIV-asrning oxiri va XV asrda Temur davlatining poytaxti sifatida jahonga mashhur bo’ldi. Ulug’bek hukmdorligi davrida Samarqandda ilm - fan va madaniyat taraqqiy etdi. Temuriylar sulolasi bunyod etgan obidalar, maqbara va madrasalar sharqning durdonasi bo’lib qoldi va uni dunyoga tanitdi.
Hozirgi kunda Samarqand Markaziy Osiyoning sanoati rivojlangan, ilmiy va madaniy markazlardan biriga aylangan.
Lug’at ishi
Ko'hna древний
vodiy долина
poytaxti sifatida в качестве столицы
oshiq более, превышает
hukmdorlik правление
taraqqiy etdi развивалось
sulola династия
sanoat промышленность