Ozbek tili

-boz.  «Shug‘ullanuvchi»  ma’nosidagi  ot  hosil  qilishda  ishlatiladi:  dorboz, 

kaptarboz, masxaraboz. Bu qo‘shimcha, ko‘pincha, -voz tarzida talaffuz qilinadi, lekin –boz 

yoziladi.  

-paz.  Asosan,  ovqat  nomlariga  qo‘shilib,  negiz  anglatgan  taomni  pishirish, 

tayyorlash  bilan  shug‘ullanuvchi  shaxsni  –  kasb  egasini  bildiradi:  kabobpaz,  somsapaz, 

oshpaz, mantipaz.  

-dor.  Otlarga  qo‘shilib  shu  so‘z  orqali  fodalangan  predmetga  egalik  yoki 

predmetning  o‘shanga  xos,  taalluqli  ekanligini  bildiruvchi  ot  yasaydi:  quldor,  chorvador, 

amaldor, mansabdor.  

-shunos.  Negiz  anglatgan  soha  bilan  shug‘ullanuvchi  shaxs  oti  hosil  qilishda 

ishlatiladi: tilshunos, adabiyotshunos, sharqshunos, tuproqshunos, huquqshunos.  

-soz.  Negizdan  anglashilgan  predmetni  yasash  va  tuzatish  bilan  shug‘ullanuvchi 

shaxs oti hosil qilishda ishlatiladi: soatsoz, kemasoz, aravasoz, mashinasoz.  

-do‘z.  Negizda  ifodalangan  predmetdan  tikuvchi,  hunarmand  ma’nosidagi  ot 

yasaydi: do‘ppido‘z, etikdo‘z, mo‘ynado‘z, zardo‘z, chopondo‘z, maxsido‘z.  

-xon. Negizdan anglashilgan predmetni o‘qish bilan shug‘ullanuvchi shaxs oti hosil 

qilishda ishlatiladi: kitobxon, gazetxon, jurnalxon.  

---

13