O`zbek tili va adabiyotini o`qitish metodikasi

MUAMMOLI O‘QITISH METODI – o‘quvchining oldiga muammo qoyish va darsda muammoli vaziyat yaratishga asoslanadi.

MUSTAQIL ISH METODI – o‘rganilgan mavzuning mustahkamlash qismida og`zaki yoki yozma vazifalarni bajarish jarayoni.

MUSTAQIL FIKRLASH – har bir shaxsning hayotdagi voqea, hodisa va jarayonlarga o‘z nuqtai nazariga tayanib munosabat bildirish salohiyati.

MUSTAHKAMLASH – o‘qituvchi va o‘quvchi hamkorligida amalga oshiriladigan hamda egallangan nazariy bilimlarni, shakllantirilgan amaliy ko‘nikma va malakalarni xotirada kuchliroq saqlanishiga erishish uchun qo‘llaniladigan o‘qitish usuli. Shuning uchun ta’lim jarayonida yangi mavzuni o‘tishdan oldin, ta’limning bir bosqichidan ikkinchisiga o‘tishda bilimlarni mustahkamlashga yo‘naltirilgan ta’limiy tadbirlar (o‘tilganlarni so‘rash, savol-javob o‘tkazish, test sinovlari o‘tkazish va boshqa) olib boriladi. Bu omil bilim, ko‘nikma va malakalar mustahkam bo‘lishining asosiy omillaridan biri hisoblanadi.

MUFASSAL TAHLIL – asar boblari, lavhalar, obrazlarni o‘rganishda qo‘llaniladi, tahlil keng hajmli bo‘ladi.

NATIJA - dars mashg'ulotlari jarayonida rejalashtirilgan xulosaga kelingan va ta’limning m a’lum muayyan jarayonidan olingan yakuniy natijasidir.