O‘zbek tili va adabiyoti

Asosiy adabiyotlar:
1.Mas’udali H. Xatti mu’allimiy. T., 1991
2.Zufarov T. Xat ta’limi. T., 2010
2. Murodov A. O‘rta Osiyo xattotlik san’ati tarixidan. T., “Fan” 1971
3. Jumaniyozov R. Eski o‘zbek yozuvi. T., “O‘qituvchi”, 1989
Qo‘shimcha adabiyotlar:
1. Talabov E. Arab tili. T., 1993
2. Habibullaev A. Adabiy manbashunoslik va matnshunoslik. T.,2000
3. Terentev-Katanskiy A.P. S vostoka na zapad. M., “Nauka”, 1990
4. Krachkovskaya V.A. Pamyatniki arabskogo pisma Sredney Azii i Zakavkaze do 1X v. Epigrafika Vostoka, 1952
5. Munirov Q. SHarq qo‘lyozmalari. T., 1962

4-AMALIY MASHG‘ULOT
Yozuv turlari, husnixat, yozuv-bezaklar, sanalashtirish
REJA:

1. 
   Yozuv tarixi
   
2. 
   Husnixat
   
3. 
   Qo‘lyozma kitoblarning badiiy bezaklari
   
4. 
   Sanalashtirish
   

Yozuv kishilik tarixining buyuk ixtirolaridan biridir. Yozuv kitobat san’atining materiali sifatida kishilik tafakkuri, xalq madaniyatining darajasini belgilaydi. Yozuv inson nutqining belgilar yordamida ifodalanishidir. Shuning uchun u tilshunoslikda o‘rganiladi. Tilshunoslikda Grafema- harf, yozuv belgisi demakdir.
Tilshunoslikning yozuv tarixi, uning kelib chiqishi va takomili, belgi va tovush munosabatlari kabi nazariy masalalarni o‘rganuvchi bo‘limi grafemika deyiladi. Harf ko‘rinishlari, ularning shakliy taraqqiyotini o‘rganuvchi soha paleografiya deyiladi. O‘tmishda nqolgan qabrtosh yozuvlari, yog‘och yoki spool buyumlar, toshlarga bitilgan yozuvlar, devoriy yozuvni o‘rganuvchi soha epigrafika deb ataladi.
Tangalardagi yozuvlarni o‘rganuvchi soha numizmatika deb ataladi.
Kishilik tarixida yozuv amaliyotini piktografik, ideografik, bo‘g‘in yozuvlari boshlab berdi. Ilk fonetik yozuv hisoblangan Finikiy yozuvi asosida shakllangan oromiy yozuvi Old Osiyo va O‘rta Sharq, Markaziy Osiyoga tarqaldi. Mil.av. VI asrda Ahmoniylar davrida oromiy yozuvi ishlatildi. Ularning inqirozidan so‘ng mil.av. V-IV asrda ajdodlarimiz oromiy alifbosi asosida o‘z tiliga mos bo‘lgan yozuvlarni yarata boshladilar. Boshlab xorazm, so‘g‘d, parfiyoniy, boxtariy, avesto yozuvlari yuzaga keldi. Keyinchalik bu shajara uyg‘ur, moniy alifbolari bilan boyidi.