O‘zbek tili va adabiyoti fakulteti o‘zbek tili kafedrasi

II. O‘quv fanining maqsadi va vazifalari
"Tilshunoslikning zamonaviy yo`nalishlari" fani tilshunoslikning zamonaviy yo`nalishlari nazariy masalalarini yoritishga qaratilgan. Ushbu fanning maqsadi lingvistikaning tabiati va predmetini belgilash, tilning yaxlit bir butun tizim sifatidagi xususiyatini, til birliklari tavsifi va tasnifl, zamonaviy tilshunoslik yo`nalishlari mohiyatini yoritish, tilning obyektiv borliq hodisalari bilan aloqdorligini o‘rganish, nazariy tilshunoslik masalalarini amaliyot nuqtayi nazaridan tahlil qilishda qo‘llanadigan metodologiya va metodlar haqida mukammal bilim berish, bakalavriat talabalarini tilshunoslikda zamonaviy yo`nalishlarning shakllanishi, tarixiy ildizlari, tayanch tushunchalari, dolzarb muammolari, ularning jahon tilshunosligida o‘rganilishi masalasi bilan tanishtirish, ularda tilshunoslikning zamonaviy yo`nalishlari bo‘yicha amaliy ko‘nikmalarni shakllantirishdan iborat. Fanning vazifalari: bakalavrlarning umumlingvistik bilimini nazariy jihatdan chuqurlashtirish;

• 
  til qurilishini bir butun tizim sifatida tahlil qilish;
  
• 
  tilning struktural qiymatini, til-lison-nutq munosabatini yoritish;
  
• 
  til birliklari o‘rtasidagi paradigmatik, sintagmatik, iyerarxik munosabat turlari mohiyatini yoritish;
  
• 
  tilshunoslik nazariyasining asosiy masalalari, nazariy qarashlar, lingvistik ta'limotlarning mohiyatini yoritish, amaliy qiymatini belgilash;
  
• 
  lisoniy tahlil metodikasi va metodologiyasi bilan qurollantirish;
  
• 
  bakalavriat talabalarining zamonaviy tilshunoslik masalalari bo‘yicha nazariy bilim, amaliy ko‘nikmalarini hosil qilish;
  

Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Bakalavriat talabasi:

• 
  an’anaviy va struktur tilshunoslik munosabatlari;
  
• 
  tilning semiotik xususiyati;
  
• 
  lingvistik munosabatlar;
  
• 
  antroposentrik tilshunoslik yo‘nalishlari, ularning umumiy va o‘ziga xos jihatlari;
  
• 
  tilshunoslikning zamonaviy yo`nalishlari;
  
• 
  lingvistikaning boshqa fanlar bilan munosabati;
  
• 
  zamonaviy tilshunoslikning shakllanishi, tarixiy ildizlari; til birliklarining o`rtasidagi munosabat haqida tasavvurga ega bo‘lishi;
  

• 
  tilshunoslikning zamonaviy yo`nalishlari dolzarb muammolari, ularning jahon tilshunosligida o‘rganilishi masalasini chuqur bilishi va ularga munosabat bildira olishi;
  
• 
  lingvistik tahlil asosida muayyan til egalarining voqelikni idrok etishi, kognitiv bilimi, lisoniy qobiliyati, lisoniy xotirasi imkoniyatlari, leksik birliklari zahirasiga baho bera olish bo‘yicha amaliy ko‘nikmalarga ega bo‘lishi kerak.