Ozbek-Tariyx-1-70-(каракалпак). indd

Este saqlań!
Xalıqtı sociallıq qorǵaw ilajları sistemasındaǵı eń tiykarǵı 
baǵdar — bul bahalardıń erkinlestiriliwi hám puldıń qádirsizleniw 
dárejesiniń artıp barıwı múnásibeti menen dáramatlardıń eń kem 
hám ortasha dárejesin turaqlı arttırıp barıwı esaplanadı.

---

55
— pensionerler, mayıplar, kóp balalı hám kem dáramatlı shańaraqlar, 
jumıssızlar, oqıwshı jaslar hám de belgili muǵdarda dáramat alıwshı 
adamlar hár túrli jollar menen qorǵalıp barıldı.
1992—2017-jıllar dawamında is haqı hám pensiyalardıń, joqarı oqıw 
orınları studentleriniń, aspirantlardıń, doktorantlardıń stipendiyaları-
nıń muǵdarı birneshe ret kóbeytildi. Pensionerlerdiń sociallıq jaǵdayın 
itibarǵa alıp, eń kem pensiyanıń muǵdarı is haqınıń eń kem muǵdarınan 
artıǵıraq bolıwı turaqlı támiyinlenip kelindi. Bul jol sociallıq ádalat 
principlerine sáykes keler edi.
1994-jılǵa kelip, Ózbekstanda xalıqtı sociallıq qorǵaw sisteması túp-
tiykarınan ózgerttirildi. Sociallıq járdem beriwdiń tolıq jańa aldınǵı siste-
ması qáliplestirildi. Bul sistemanıń tiykarı sonnan ibarat, balalar hám 
kem dáramatlı shańaraqlar bul járdemdi alıwshı tiykarǵı adamlar bolıp 
qaldı.
1994-jıldıń sentyabrinen baslap, barlıq balalı shańaraqlar ushın birden 
bir napaqa engizildi. Bunday járdem adamlarǵa jaqın turatuǵın máhálle 
puqaralar jıyınlarında ámelge asırılatuǵın boldı.
1996-jılı dekabrde balalı shańaraqlarǵa sociallıq járdem beriliwin 
kúsheyttiriw, xalıqtı sociallıq qorǵaw boyınsha ilajlardı júzege shıǵarıwda 
puqaralardıń ózin-ózi basqarıw uyımlarınıń roli hám juwapkershiligin 
arttırıw maqsetinde «Balalı shańaraqlardı mámleket tárepinen qollap-
quwatlawdı jáne de kúsheyttiriw haqqında» jáne bir áhmiyetli párman 
qabıllandı.
Onda 1997-jıldan baslap járdemge mútáj, balalı shańaraqlarǵa 
balalardıń sanına qarap, eń kem is haqınıń 50% nen baslap 175% ke