Ozbek-Tariyx-1-70-(каракалпак). indd

Ózbekstan — Qıtay. 
Qıtay Xalıq Respublikası Ózbekstan Respubli-
kasınıń ǵárezsizligin 1991-jılı 27-dekabrde tán alǵan. 1992-jılı yanvarda 
diplomatiyalıq qatnasıqlar ornatıldı. Ózbekstan Respublikası hám Qıtay 
Xalıq Respublikası ortasında dástúriy doslıq qatnasıqları ornatılǵan. 
Bular eki mámleketke hár eki tárepti qızıqtırıwshı kóplegen máseleler 
boyınsha óz ara paydalı hám nátiyjeli birge islesiwdi alıp barıw imkanın 
beredi. Qıtay Xalıq Respublikası Baslıǵınıń 2010-jıldaǵı Ózbekstanǵa 
hám Ózbekistan Respublikası Prezidentiniń 2012-jıl iyunde Qıtay Xalıq 
Respublikasına mámleketlik saparı tariyxıy áhmiyetke iye boldı. Ushıra-
sıwlar dawamında birge islesiwdiń perspektivaları belgilendi. Bunıń anıq 
dálili sıpatında Ózbekstan basshısınıń Qıtayǵa saparı waqtında mám-
leketler basshıları tárepinen «Strategiyalıq sheriklik qatnasıqların ornatıw 
haqqındaǵı birgeliktegi bildiriwi» tastıyıqlanǵanın kórsetiw múmkin.
Óz ara paydalı birge islesiwdiń huqıqıy bazasın 2005-jılı tastıyıqlan-
ǵan Doslıq, birge islesiw hám sheriklik qatnasıqları haqqındaǵı 
shártnama, 2010-jıldaǵı Doslıq, birge islesiw hám sheriklik qatnasıqların 
hár tárepleme tereńlestiriw hám rawajlandırıw haqqındaǵı birgeliktegi 
deklaraciya, 2012-jıldaǵı Strategiyalıq sheriklik ornatıw haqqındaǵı 
Birgeliktegi deklaraciya, 2013-jıldaǵı Eki tárepleme strategiyalıq birge 
islesiwdi jáne de tereńlestiriw hám rawajlandırıw haqqındaǵı Birgeliktegi 
deklaraciya, 2014—2018-jıllarǵa mólsherlengen Strategiyalıq sheriklik 
qatnasıqların rawajlandırıw baǵdarlaması hám de 2016-jılı tastıyıqlanǵan 
Birgeliktegi bildiriwi quraydı. Bul hújjetlerdiń qabıl etiliwi uzaq 
múddetli keleshekte mámleketimiz ortasındaǵı qatnasıqlardı jáne de 
rawajlandırıwǵa xızmet etpekte.
2017-jılı 11 — 13-may kúnleri Prezident Shavkat Mirziyoevtiń 
Qıtay Xalıq Respublikasına mámleketlik saparı Ózbekstan — Qıtay 
qatnasıqların jańa basqıshqa kóterdi. Sóylesiwler juwmaǵında Shavkat 
Mirziyoev hám Si Szinpin Ózbekstan Respublikası menen Qıtay Xalıq 
Respublikası ortasındaǵı Birgeliktegi bildiriwdi tastıyıqladı. Shavkat 
Mirziyoev Qıtayǵa bolǵan saparı dawamında ulıwma qunı 23 mlrd. 
dollar bolǵan 105 eki tárepleme hújjetler tastıyıqlandı
.