Ozbek-Tariyx-1-70-(каракалпак). indd

2017-jılǵı reformalar
. Bilimlendiriw sistemasında ámelge asırılǵan 
reformalar, 12 jıllıq bilimlendiriwdi jetilistiriw jolındaǵı ilajlar kútilgen 
nátiyjeni bermedi. Jıynalıp qalǵan mashqalalar tarawdı túp-tiykarınan 
reformalawdı, dúnyanıń rawajlanǵan elleri tájiriybesinen paydalanıw 
zárúrligin talap etti. 2017-jılı ulıwma hám orta arnawlı kásip óner 

---

74
bilimlendiriwi sistemasında túpkilikli reformalar jılı boldı. Xalıq 
qabıllawxanaları hám Prezidenttiń virtual qabıllawxanasına túsken usınıs 
hám pikirler, sonday-aq, respublika mektep pitkeriwshileriniń ata-anaları 
arasında ótkizilgen sorawnama nátiyjelerinen kelip shıǵıp, Prezident 
Shavkat Mirziyoev baslaması menen 9+3, yaǵnıy 12 jıllıq májbúriy 
bilimlendiriwden 11 jıllıq bilimlendiriwge ótildi. 
2017-jıldıń ózinde 10-klass oqıwshıları ushın 9 mln. nusqa sabaqlıqlar 
basılıp shıqtı hám 10 mıńǵa jaqın ulıwma bilimlendiriw mektebinde 11 
jıllıq oqıtıw sisteması jolǵa qoyıldı. Bul akademiyalıq licey hám kásip 
óner kolledjlerine qabıllaw procesi menen teń alıp barıladı. Bunda ata-
analar hám oqıwshılardıń qálewleri esapqa alındı. 2016—2017-oqıw 
jılında ulıwma bilimlendiriw mekteplerin tamamlaǵan 466 mıńnan artıq 
oqıwshınıń 288 mıńı 10-klasta oqıwdı dawam ettirdi.
Mektepke shekemgi bilimlendiriw (MShB) sisteması úzliksiz 
bilimlendiriwdiń eń tiykarǵı buwını boladı. MShB, 6—7 jasqa shekem 
shańaraqta, balalar baqshasında hám basqa bilimlendiriw mákemelerinde 
alıp barıladı. Qánigelerdiń ilimiy juwmaqları boyınsha, insan óz ómiri 
dawamında alatuǵın barlıq informaciya hám maǵlıwmattıń 70 % in 
5 jasqa shekemgi dáwirde aladı. Sol sebepli balalardıń salamat hám 
bilimli, jetik kadrlar bolıp erjetiwinde 
baqsha 
tárbiyası 
áhmiyetli 
orın 
tutadı. MShB sistemasın jáne de 
jetilistiriw, materiallıq-texnikalıq baza-
sın bekkemlew, MShB mákemeleri 
tarmaǵın keńeyttiriw, bilimli pedagog 
kadrlar menen támiyinlew maqsetinde 
Prezident Shavkat Mirziyoev 2017-jılı 
30-sentyabrde «Mektepke shekemgi 
bilimlendiriw sistemasın basqarıwdı 
jetilistiriw haqqında»ǵı pármanı tas-
tıyıqlandı. Oǵan muwapıq, Mektepke shekemgi bilimlendiriw ministr-
ligi shólkemlestirildi. Jańa ministrlik sistemasına Qaraqalpaqstan 
Pikirlesiń
!
Ne sebepten 11 jıllıq bilimlendiriwge ótiw boyınsha sorawnama 
nátiyjesinde ata-analardıń 70% ten aslamı 11 jıllıq bilimlendiriwdi 
qayta shólkemlestiriw tárepdarı ekenin kórsetti?
Jańa úlgidegi MShM xanası

---

75
mektepke shekemgi bilimlendiriw ministrligi, Tashkent qalası MShB bas 
basqarması, wálayatlardıń MShB basqarmaları hám olardıń qala hám 
rayonlardaǵı bólimleri kiredi.