Ozbek-Tariyx-1-70-(каракалпак). indd

Ilim-pán hám bilimlendiriw intergraciyası
. Ózbekstan ilimi hám 
bilimlendiriwi intergraciyasın támiyinlew boyınsha da bir qatar jumıslar 
ámelge asırılmaqta. Bul process 2012-jılǵa shekem Ilimler akademiyası 
sistemasında ilimiy-oqıw oraylarınıń shólkemlestiriliwi arqalı ámelge 
asırıldı. Sonıń ishinde, 2011-jılı Ilimler akademiyasınıń Fizika-texnika 
institutında «Qayta tiklenetuǵın energiya derekleri» ilimiy-oqıw orayı, 
2012-jılı Immunologiya institutında «Biomedicina» ilimiy-tálim inno-
vaciyalıq orayı jumıs basladı.

---

83
2012-jıldan bolsa, joqarı bilimlendiriw sistemasında ilimiy sektor 
rawajın támiyinlew maqsetinde Ilimler akademiyasınıń 5 ilimiy izert-
lew institutı, 4 regionallıq ilimiy orayları ilimiy bólimshe tárizinde 
qayta shólkemlestirilip, baǵdarı hám qánigeliklerine muwapıq olar 
tiyisli joqarı bilimlendiriw mákemelerine ótkizildi.
Ilimler akademiyası strukturaların qısqarttırıw hám de akade-
miyalıq ilim hám bilimlendiriw integraciyasın kúsheyttiriw maqsetinde 
2014-jılda 2 institut hám 1 bólimshe joqarı bilimlendiriw mákemeleri 
janındaǵı ilimiy-izertlew orayları sıpatında dúzildi.
Ózbekstan Respublikası Prezidentiniń 2012-jıldaǵı «Joqarı bilimli 
ilimiy hám ilimiy-pedagog kadrlar tayarlaw hám olardı attestaciyadan 
ótkiziw sistemasın jáne de jetilistiriw haqqında»ǵı pármanına muwapıq 
2013-jıldıń 1-yanvarınan baslap dissertaciya qorǵaw hám ilim 
doktorı ilimiy dárejesin beriw boyınsha joqarı oqıw ornınan keyingi 
bilimlendiriwdiń bir basqıshlı sisteması engizildi. Biraq bul sistema 
ámeldegi xalıqaralıq ilim-pán standartlarına tolıq sáykes kelmegenligi, 
respublikadaǵı bar bolǵan ilimiy potencialdıń túsip ketkenligi sebepli, 
2017-jılı fevraldan Shavkat Mirziyoev baslaması menen xalıqaralıq 
standartlarına sáykes bolǵan, filosofiya doktorı hám ilim doktorı 
dárejelerin beriwshi eki basqıshlı sistemaǵa ótildi.