Ozbek-Tariyx-1-70-(каракалпак). indd

Soraw hám tapsırmalar
:
1. Ǵárezsizliktiń dáslepki jıllarında ne sebepten Ózbekstan eń 
dáslep, Oraylıq Aziya mámleketleri menen doslıq, birge islesiw 
baylanısların bekkemlewge itibar qaratqan?
2. 2017-jılı Oraylıq Aziya mámleketleri menen birge islesiwde qanday 
túpkilikli ózgerisler boldı?
3. Qosımsha dereklerden paydalanǵan halda Nursultan Nazarbaevqa 
«El-yurt hurmati» ordeni beriliwi sebeplerin túsindiriń.
4. Ózbekstan Respublikası Prezidenti Shavkat Mirziyoevtiń shet 
ellerdegi dáslepki saparı qaysı mámleketke boldı? 
5. «Túrkstan — ulıwma úyimiz» súrenin túsindiriń.
?

---

120
19-tema. 
Ózbekstan Respublikasınıń Rossiya,
Qıtay hám AQSh penen óz ara qatnasıqları 
Ózbekstan — Rossiya
. Ózbekstan Rossiya Federaciyası menen óz ara 
birge islesiw máselelerine ayrıqsha itibar berdi. Ózbekstan Respublikası 
hám Rossiya Federaciyası ortasındaǵı mámleketler aralıq qatnasıqlar 
hám birge islesiw 1992-jılı tastıyıqlanǵan Mámleketler aralıq qatna-
sıqlar, Doslıq tiykarları haqqındaǵı shártnama, 1998-jılı tastıyıqlanǵan 
1998 — 2007-jıllar ushın ekonomikalıq birge islesiwdi tereńlestiriw 
haqqındaǵı shártnamalar tiykarında rawajlanıp bardı.
Keyingi jıllardaǵı Ózbekstan — Rossiya qatnasıqlarınıń jańa bas-
qıshqa kóteriliwinde 2004-jılı tastıyıqlanǵan Ózbekstan Respub-
likası hám Rossiya Federaciyası ortasındaǵı Strategiyalıq sheriklik 
haqqındaǵı shártnama áhmiyetli orın tutadı. 2005-jılı Moskvada tastı-
yıqlanǵan Ózbekstan Respublikası hám Rossiya Federaciyası orta-
sındaǵı Awqamlaslıq qatnasıqları haqqındaǵı shártnama, sonday-aq, 
2012-jılı Tashkentte bolıp ótken ushırasıw juwmaǵı boyınsha qabıl-
lanǵan «Ózbekstan Respublikası hám Rossiya Federaciyası ortasın-
da Strategiyalıq sheriklikti tereńlestiriw haqqındaǵı deklaraciya» 
eki mámleket óz ara qatnasıqlarında ayrıqsha waqıya boldı. Eki el óz 
ara qatnasıqları hám birge islesiwiniń jáne de rawajlanıwı hám te-
reńlesiwine 2013-jılı aprelde Ózbekstan Respublikasınıń Birinshi 
Prezidenti I. Karimov hám Rossiya Federaciyası Prezidenti V. Putin 
ortasındaǵı Moskva ushırasıwı jańa túrtki berdi. Usı ushırasıw waqtında 
mámleketlerdiń keń kólemli óz ara qatnasıqlarındaǵı birge islesiwdi 
rawajlandırıw jaǵdayı hám perspektivaları kórip shıǵıldı. Hár eki 
mámleket ǵárezsizlikke eriskennen keyingi dáwir ishinde Ózbekstan hám 
Rossiya ortasındaǵı 160 tan artıq xalıqaralıq shártnama hám 40 tan zıyat 
basqa hújjetler tastıyıqlandı.
2017-jılı aprelde Ózbekstan Respublikası Prezidenti Shavkat Mirziyoev 
rásmiy sapar menen Rossiyada boldı. Ózbekstan Prezidenti Shavkat 
Mirziyoevtiń Rossiya Federaciyasına mámleketlik saparı juwmaqları 
boyınsha siyasiy, sawda-ekonomikalıq, investiciyalıq, áskeriy-texnikalıq, 
migraciya tarawları, sonday-aq, regionlar aralıq birge islesiw, turizm hám 
densawlıqtı saqlawǵa baylanıslı ulıwma qunı 16 millard dollar bolǵan 55 
hújjet tastıyıqlandı
.

---

121