Ozbek-Tariyx-1-70-(каракалпак). indd

Ekinshi basqısh — 1996—2000-jıllar.
Usı basqıshta keń kólemli 
menshiklestiriw ámelge asırıldı, ekonomika salalarına jeke kapitaldı 
tartıw imkaniyatları keńeyttirildi, dáslepki jeke kommerciyalıq bankleri 
hám bankten tısqarı finans institutları (kredit birlespeleri) óz jumısın 
basladı. 1996-jılı xalıqaralıq ekonomikalıq mákanda júz bergen paxta 
krizisi onıń bahasınıń tómenlep ketiwine, sonıń menen birge respublika 
ekonomikasına valyuta túsimin támiyinlep turǵan usı shiyki zattıń 
eksportınan túsetuǵın dáramat sol jıldıń ózinde 15% qısqarıwına sebep 
boldı. Bunıń ústine 1998—1999-jıllardaǵı qolaysız hawa rayı sharayatı 
paxta hasıldarlıǵına keskin zıyan tiygizdi, nátiyjede onıń eksportı 25% ke 
qısqardı. Buǵan juwap retinde elimiz húkimetiniń itibarı import ornın 
basıwshı óndiristi qollap-quwatlaw hám bul dáwirde úlken qıyınshılıq 
penen tabılıp atırǵan valyuta qorın saqlap turıwǵa, onnan ónimlirek 
paydalanıwǵa qaratıldı.
Úshinshi basqısh — 2000 — 2016-jıllar.
Bul basqıshta jeke isbiler-
menlikti keń kólemde rawajlandırıw ushın shárt-sharayatlar jaratıw 
hám onı kepilliklewge qaratılǵan bir qatar huqıqıy-normativlik hújjetler 
qabıllandı. Sonıń ishinde, 2000-jılı qabıllanǵan «Isbilermenlik xızmeti 
erkinliginiń kepillikleri haqqında»ǵı nızam menen isbilermenlik xızmeti 
subyektlerin mámleket diziminen ótkeriw mexanizmi ápiwayılastırıldı, 
puqaralardıń isbilermenlik xızmetinde erkin qatnasıwı hám mápdarlıǵı 
ushın kepillikler hám de sharayatlar jaratıldı, isbilermenlerdiń jeńille-
tilgen kredit alıw ushın huqıqları bekkemlendi.
2008-jılı jáhán finanslıq-ekonomikalıq krizisiniń keri aqıbetlerin 
saplastırıw maqsetinde kishi biznes subyektleriniń kommerciyalıq bank-
leri kredit resurslarınan paydalanıw imkaniyatları keńeyttirildi, islep 
shıǵarıw menen shuǵıllanıwshı kishi kárxanalar ushın birden bir salıq 
tólemi stavkası jáne de páseyttirildi.
Ózbekstan Respublikası Prezidentiniń «2011—2015-jılları Ózbekstanda 
ekonomikalıq reformalardı jáne de tereńlestiriw ilajları haqqında»ǵı hám 

---

49
«Kishi biznes hám jeke isbilermenlik jılı» mámleketlik baǵdarlaması 
haqqında»ǵı qararlarına muwapıq, ekonomikanı jáne de erkinlestiriw 
hám modernizaciyalaw hám de elimizde qolaylı isbilermenlik ortalıǵın 
qáliplestiriwdiń tiykarǵı baǵdarları belgilep berildi.