O’zbek filologiyasi fakulteti Oʼzbek adabiyotshunosligi kafedrasi namozova surayyo safar qizi ning

BMI ning maqsad va vazifalari. Ushbu BMIning asosiy maqsadi Safar Kokilovning asarlarida inson taqdiri muammolarining badiiy aks etishi masalalarini ilmiy o’rganish , xususan, roman va , ayniqsa, hajviy qissalarida o’zbek kishilarining bugungi kun jamiyat hayotidagi o’rni, real hayoti, ichki dunyolari, qalb kechinmalari, qolaversa, ruhiyatlaridagi evrilishlarini butun ziddiyatlari bilan kulguli tarzda tasvirlagan ifodalarini nazariy va amaliy tarzda o’rganib chiqishdan iborat.
Mavzuning o’rganilganlik darajasi. Bugungi Surxon adabiy muhiti, undagi ijodkorlar haqida, ulaning asarlari bo’yicha A. Abdullayev, U. Normatov, I. G’ofurov, S. Tursunov, SH. Murodov, B. Murtazoyev, A. Ulugov, T. Pardayev, N. Yo’doshevlar kabi adabiyotshunoslar va tarixchi olimlarning risolalari va maqolalari e’lon qilingan. Lekin ba’zi bir ijodkorlar borki ularning ijodi hamon o’rganilganicha yo’q.
Ma’lumki, Surxon adabiy muhiti O’zbek adabiyotining ajralmas bir qismidir. Bu adabiy muhit O’zbek adabiyotiga ko’plab yozuvchi va shoirlarni etishtirib bergan adabiy chegaradir. Bu adabiy muhitda hali uncha tanilmagan, ijodlari o’rganilmagan adiblar juda ko’plab topiladi. Ana shunday qalamkashlardan biri Safar Kokilovdir. Bu ijodkorning 14 dan ortiq qissa janrida yozilgan asarlari, bitta romani va qator boshqa janrlarda yozilgan badiiy asarlari adabiyotshunoslik ilmida hali o’rganilganicha yo’q. To’g’ri, adib ijodiga qator shoir yozuvchilarimiz, jumladan, A. Oripov, Nurali Qobil, Shaydulla Murodov va boshqalar, badiiy jihatlariga o’z munosabatlarini bildirgan bo’lsa ham lekin ijodkor ijodini ilmiy o’rganish oqsab kelmoqda. Shu tufayli bizning ilmiy tadqiqotimiz ob’ekti qilib u kishining badiiy merosi tanlandi.