O’zbek filologiyasi fakulteti 401-guruh talabasi Boymatov Sunnatillaning Zamonaviy o’zbek adabiyoti va adabiy jarayon fanidan yozgan 2- oraliq nazorat ishi Savollar

Nurilla Chori ijodi
Nurilla Chori 1983 yilda Qashqadaryo viloyati Yakkabog‘ tumani Izilloq qishlog‘idatug‘ilgan. 2003-2007 yillarda Mirzo Ulug‘bek nomidagi O‘zbekiston Milliy universitetining o‘zbek filologiyasi fakultetida tahsil olgan. Adabiy gurunglari va hikoyalari gazeta-jurnallarda,, shuningdek yosh ijodkorlarning “Oltin ko‘prik” to‘plamida chop qilingan. Hozir “Yoshlik” jurnalida Bosh muharrir o‘rinbosari lavozimida faoliyat olib bormoqda.

Oddiy badiyat muxlisi sifatida bugungi adabiyotimizda bo‘layotgan o‘zgarishlarni ko‘zatib borar ekanman, adabiyotning eng ommabop janri hisoblangan hikoyachilikda erishilayotgan muvaffaqiyatlardan quvonaman. To‘g‘ri, bugun gazeta-jurnallarda har kuni o‘nlab hikoyalar (agar ular hikoya deyishga arzisa) e'lon qilinmoqda. Ammo, ularning orasida o‘quvchi ongi va qalbini larzaga soladigan, uni qayta-qayta yana o‘qishga chorlaydiganlari afsuski barmoq bilan sanarli darajada oz ekanligi ham ayni haqiqatdir. Qashqadaryoning olis Pomuq qishlog‘ida yashovchi adib Abdunabi Abdievning ta'biri bilan aytganda, “Yurib hikoya, o‘tirib qissa, yonboshlab roman” yaratadiganlar ko‘payib ketdi. Mo‘jazgina kitob javonimning bir chetida “Yoshlik” jurnalining 2013 yil 6- sonini asrab kelaman. Chunki unda bugungi zamonaviy o‘zbek adabiyoti hikoyachiligida o‘ziga xos voqyea bo‘lishga arziydigan, adib Nurilla Chorining “Bo‘ron tingan kecha” hikoyasi chop etilgan.