O’zbek filologiyasi fakulteti 401-guruh talabasi Boymatov Sunnatillaning Zamonaviy o’zbek adabiyoti va adabiy jarayon fanidan yozgan 2- oraliq nazorat ishi Savollar

Shodmonqul Salom ijodi

Iste'dodli shoir Shodmonqul Salom 1980 yil 23 dekabrda Surxondaryo viloyati Qumqurg‘on tumanida tugilgan. 2003 yilda Termiz Davlat universitetining kimyo fakultetini tamomlagan. “Turkiston”, “Chag‘oniyon”, “O‘zbekiston adabiyoti va san'ati ”gazetalari, “Saodat” jurnalida muxbir, bo‘lim mudiri, “Kitob dunyosi” gazetasida bosh muharrir vazifalarida ishlagan. “Yurak iqlimi”, “Ko‘ngil kitobi ”, “Borligini bilganlar” sheriy to‘plamlari muallifi. Muallifning “Surxonda to‘y”, “Sirli Do‘rmon”, “Oltin zina”, “Ulkan bobo gurunglari” singari esselari ham bor.

Shodmonqul Salom she'rlari haqida o‘ylaganimda, ayrim qofiyadosh so‘zlar va bir-birini taqozo etuvchi tushunchalar ba'zan fojeiy, ba'zan yumoristik mazmun kasb qilgancha beixtiyor xayolimdan o‘taveradi. Keyin o‘sha – “kulayotganda”, “bo‘layotganda”, “to‘layotganda”, “qolayotganda” to‘lib-toshib she'r o‘qiyotgan qadrdon shoir siymosi gavdalanadi. Shodmonqul Salomning boshqa she'rlarida ham ana shunday taranglik, uzviylikni ko‘rishimiz mumkin. U “Onamga” she'ri avvalida “Tongu shomning orasinda”, deya so‘z aytadi. Keyin yaxlit bir monolog boshlanadi va so‘nggi o‘n uch satrni o‘qish asnosida tuyg‘ular bir maromda ko‘tarilib, yuksaklab, avj pardalarga chog‘ishib boradi. Oxiridagi satrda “Men onamni sog‘inganman”, degan oddiygina jumla bilan she'r tugaydi. Yo‘q, shoshmang, oddiygina jumla dedikmi? Endi uni birinchi satr bilan ketma-ket o‘qing-chi? Ma'no sal kattardi, yuksaldi, shundaymi?