Ота,онам ва мен

“Ота,онам ва мен” спорт мусобақси

Мусиқа остида болалар спорт майдонига кириб келиб, сафга турадилар. “Ўзбекистон Давлат мадҳияси” янграйди.

Бошловчи: Уйғонар чўққилар устида офтоб,
Ям-яшил водийга сочиб олтин нур.
Ўзбеклар юрти бу, навқирон озод,
Заминда мусаффо ўлкамсан мағрур.
Оқар дарёларинг ҳайқириб оқсин,
Соғлом авлодларинг баркамол ўссин!
Тинчлик, омонлик шиоринг бўлсин,
Юртинг бой ҳамиша соғломжон бўлсин!

Қадрли болажонлар! Мана бугун боғчамизда “Ота,онам ва мен” номли спорт байрам мусобақасига тўпланиб турибмиз.

Президентимиз айтганидек, “Соғлом ва баркамол авлод - бизнинг келажагимиздир!” Ҳа, болаларимиз соғлом ўсиши учун спорт биринчи ўринга қўйилмоқда. Ҳозир биз чиниқиш, югуриш, ҳаракат қилиш спорт мусобақаларини очиқ деб, эълон қиламиз.
Беллашувда 4-таййорлов гуруҳларининг тарбияланувчилари ота-оналари командалари қатнашадилар.
Марҳамат, командалар бир-бирингиз билан саломлашиб олинглар!
Гулғунча: Командамиз “Гулғунча”,
Қойил қолсинлар барча!
Боғчада чиниқамиз,
Куч-қувватга тўламиз.
Полвонжон: “Полвонжон” ва “Айиқча”миз,
Айиқча: Биз кучлилар сафида.
Келинг куч синашайлик,
Беллашувда кўрайлик.


Бошловчи: Кимнинг чаққон эканлигин,
Биз билишни ҳохлаймиз.
Командалар сафланишиб,
Мусобақа бошлаймиз!.
Командалар: Омад бизга ёр бўлсин!
Баракалла, биринчи шартни “Ким чаққон?” деб номладик. Болалар ва ота-оналар қум қопчаларни бошларига қўйиб, гимнастика скамейкалардан чопиб ўтиш, қўллар ёнга чўзилган ҳолда.
Болажонлар ва ота-оналар тезкор саволларга жавоб топинглар:

1. 
   Жонсиз илон.
   
2. 
   Ҳиди бор, тикани бор.
   
3. 
   Дум думалоқ сакрайди.
   
4. 
   Болалар яхши кўриб ўйнайди.
   

Беллашувнинг асосий мақсади: Тезкорлик ва чаққонлик. Шу сабабли унинг номи: “Ким чаққон?” деб номланган. Беллашув қизғин тусда ўтди.
Иккинчи шартимиз: “Тошбақалар майдонда” деб номланади. Бу беллашувда болалар ва ота-оналар қўлларини ерга теккизмасдан, ўринларидан турмасдан қўллари тиззалари устида бўлади.
Баракалла! Жуда яхши. Болажонларимизнинг ҳаммаси уддабурон ва чаққон. Кейинги беллашувда майдончани тайёрлагунларича, биз сизлар билан яна тезкор саволларга жавоб топамиз:

1. 
   Зумрадни ким хафа қилади?
   
2. 
   Сут берувчи ҳайвон?
   
3. 
   Қўйнинг боласини номи.
   
4. 
   Сичқоннинг душмани.
   
5. 
   Уч хил рангли чироқ.
   

Баракалла болалар! Жуда яхши!
Учинчи шартимиз: “Тўсиқларни енгиб ўтинглар!” деб номланади. 5 дона кеглини айланиб ўтиб, 5 дона обруч ичидан сакраб ўтилади. Беллашувнинг асосий шартлари: Кеглиларни йиқитмаслик, сакраганда жуфт оёқлар билан сакраш.
Баракалла! Ушбу шартимизни ҳам жуда яхши бажардинглар, болажонлар!
Яна тезкор саволларга ўтамиз:

1. 
   Қайси фасл энг иссиқ фасл?
   
2. 
   Ёз кунлари қайси дарахтнинг тагида ухлаб бўлмайди?
   
3. 
   Кундузи қуёш, кечаси ой ва юлдузлар нур сочади. Уларнинг энг каттаси қайси?
   
4. 
   Туянинг боласини нима дейилади?
   

Баракалла, жуда яхши!
Сўнгги беллашувимиз шарти: “Коптокни оширар!” деб номланади. Бир қатор сафланиб, коптокни бош устидан бир-биримизга узатамиз.
Баракалла, болалар! Мана кўрдингизми?! Беллашувимизда Дўстлик ғолиб чиқди. Болаларимизнинг ҳаммаси чаққон, билимдон ва зукко эканликларини намоён этдилар.
Бошловчи: Ҳаммангизни ушбу мусобақада ғолиб бўлганингиз билан табриклайман. Шунинг билан бугунги “Ота,онам ва мен” номли спорт мусобақаси ўз ниҳоясига етди. Азиз болажонлар! Кейинги спорт тадбирларида ҳам мана шундай соғлом, бақувват, кучли бўлиб, бор куч-ғайратингиз билан қатнашасиз, деган умиддаман, деб бугунги тадбирга якун ясалди.