Основные понятия об измерениях и измерительных приборах

Хроматографик колонка ва детекторни термостатлаш олинаётган натижаларнинг аниқлигини таъминлаб, хроматограмма чўққилари бўйича миқдорий тахлил қилиш имконини беради. Термостатлаш температураси газ аралашмаси компонентлари хусусиятларига боғлиқ. Температурани тахлил қилиш жараёнида оширилиши, оғир компонентларни тахлил қилиш вақтини сезиларли даражада қисқартириш имконини беради.
Термостатлаш учун хаво ва ёғ термостатларидан фойдаланилади. Термостатлаш аниқлиги одатда 0,05 – 0,1⁰С.


Газ хроматографлари
Автоматик саноат хроматографи ХПА -2.
Хроматограф аралашма таркибидаги углеводород газларни саноат технологик қурилмаларида узлуксиз равишда аниқлашга мўлжалланган.
Бу хроматограф тўрт асосий қисмлардан иборат (расм 120): датчик, газни тайёрлаш панели, регистратор ва бошқариш панелидан.
Анализ қилинаётган газ, намунани олиш қурилмасидан, газни тайёрлаш панелига берилади. Юқори (1) ва паст (2) босим редукторлари орқали газ босими 0,12 - 0,16 МПа гача пасайтирилади. Газнинг бир қисми нинасимон вентиль 5 ёрдамида атмосферага чиқариб юборилади.
Кейин газ аскарит билан тўлдирилган фильтр 7 нинг биридан ўтиб, олтингугурт бирикмалари ва намликдан тозаланади. Фильтрлар олти қадамли кран 4 ёрдамида қўлда алмаштирилади. Нинасимон вентиль 6 ва уч қадамли кран 10 ёрдамида анализаторга эталон гази берилиб, унинг кўрсатиши текширилади ва градуировкаланади. Анализ қилинаётган газ сарфи ротаметр 8 ёрдамида ўлчанади.

Расм 120.
Датчикга кирган газ аввал қиздирилади ва сўнгра, намунани ажратиб олиш крани 14 га берилиб, у ерда маълум хажмда газ намунаси ажратиб олиниди. Газ дозировкаловчи спираль 13 орқали атмосферага чиқарилиб юборилади. Ўлчаб ажратиб олинган намуна ажратиш колонкасига газ юритувчи ёрдамида дозировкаловчи спиральдан сиқиб чиқарилиб киритилади. Газ юритувчи редуктор 3, нинасимон вентиль 11 ва ротаметр 9 орқали детектор (12) нинг солиштириш ячейкасига берилади. Газ юритувчи босими 0,2-0,3 МПа, сарфи 0,0007 см³/сек. Намунани олиш крани автоматик равишда бошқариш панели ёрдамида бошқарилади. Кран бошқа холатга ўтказилганда, газ аралашмаси дозировкаловчи спирал (13) га кирмасдан атмосферага чиқарилиб юборилади. Дозировкаловчи спиралда ажратиб олинган газ намунаси газ юритувчи ёрдамида ажратиш колонкаси (15) га сиқиб чиқарилади. Алохида компонентларга ажратилган газ аралашмаси детекторнинг ўлчаш ячейкасига берилади.
Датчикдаги температура бошқариш панелида жойлашган электрон ростлагич ёрдамида электр иситгич (16) ни ёқиб ёки ўчириб ушлаб турилади.
Ажратиш колонкаси диаметри 6-8 мм., узунлиги 2-8 м зангламас трубадан тайёрланган. Ёзиб борувчи асбоб сифатида автоматик потенциометр ишлатилади.