Основные понятия об измерениях и измерительных приборах

Термомагнит газоанализаторлар
Ишлаб чиқаришда қўллаш учун энг қулай усул бўлиб, термомагнит конвекция ҳодисасига асосланган усул ҳисобланади.
Агар электр токи ёрдамида қизитилган ўтказгични бир жинсли бўлмаган магнит майдонига жойлаштирилган бўлса, унда, газ аралашмасини бу ўтказгич яқинида қизиши натижасида кислороднинг хажмий магнит қабул қилиш кўрсаткичи камаяди ва бунда магнит майдонининг катта кучланганлигидан кичик кучланганлиги томонга мажбурий газ оқими ҳосил бўлади. Бу оқимни термомагнит конвекция оқими дейилади.
Тортиш куч катталиги қуйидаги тенглама бўйича аниқланади:
dF_х = а•k • Н • dV
бу ерда, а – ўзгармас коэффициент;
k – хажмий магнит қабул қилиш кўрсаткичи;
Н – магнит майдони кучланганлиги;
- F_x кучи йўналиши бўйича магнит майдонининг кучланганлик градиенти;
V –газ хажми.
Хажмий магнит қабул қилиш кўрсаткичи қуйидаги тенглама бўйича аниқланади
(Кюри қонунига асосан):
k = •

R – ўзгармас газ катталиги; С – ўзгармас Кюри катталиги; М – молекуляр оғирлик; Р – газ босими; Т – газнинг абсолют температураси.

Расм 104.
Ушбу тенгламадан кўриниб турибдики, газ температураси ортиши билан унинг хажмий магнит қабул қилиш кўрсаткичи камаяди (расм 104). Бунинг натижасида, совуқ газ иссиқ газни сиқиб чиқара бошлайди ва мажбурий газ оқими пайдо бўлади. Бу оқим термомагнит конвекция оқими деб номланади. Газ аралашмаси оқими электр қаршилиги температура коэффициенти катта материалдан ясалган сезгир элементни совутиб, унинг электр қаршилигини ўзгартиради ва бу ўзгариш кўприк схема ёрдамида ўлчанади.
Бу газоанализаторлар қаторига кислороднинг магнит газоанализатори МГК-2 киради. Унинг газ схемаси қуйидагича (расм 105):
Газ аралашмаси фильтр 1, нинасимон вентиль 2 ва ротаметр 3 орқали маълум сарфда газоанализатор датчигига берилади. Газоанализатор датчиги трубасимон шиша перемичкаси бор халқасимон камерадан ташкил топган. Перемичканинг бир томонига ўзгармас магнит ўрнатилган. Трубасимон шиша перемичкага икки секцияли иситиладиган ингичка платина симлари ўралган. Ўрам секциялари номувозанат кўприк елкаларига уланган, кўприкнинг қолган икки елкасига эса, манганиндан ясалган ўзгармас қаршиликлар уланади. Газ аралашмаси таркибида кислород пайдо бўлиши билан, газ оқимининг бир қисми перемичкага бўлинади ва газ оқими ҳосил бўлади. Конвектив оқим иссиқликни R₁ ўрамдан R₂ ўрамга олиб ўтади ва бунда, R₁ совиб, R₂ исиб, уларнинг қаршиликлари ўзгаради. Ушбу қаршиликлар фарқининг ўзгариши газ аралашмасидаги кислород миқдорига функционал боғлиқ бўлганлиги сабабли, кўприк разбалансини иккиламчи асбоб билан ўлчаб, кислород миқдорини аниқлаш мумкин.



Расм 105.
1- фильтр; 2 – нинасимон вентиль; 3 – ротаметр; 4 – халқасимон ўлчаш камераси; 5 – ўзгармас магнит; 6 – перемычка.
Датчик термостатланган (±1^оС).
Ўлчаш чегераси 0-5; 0-10; 0-21; 20-35%. Асосий хатолиги шкала диапазонининг ±2;5% миқдорида.
Кислороднинг магнит газоанализатори МГК-2 электр схемаси қуйидагича (расм 106):

Расм 106.
Кислороднинг катта концентрацияларини ўлчашда МГК -4 дан фойдаланилади.
Ўлчаш чегараси: 95-100; 90-100; 80-100; 50-100 ва 20-80% О₂. Хатолиги ±5%.
Термомагнит газоанализаторларда қуйидаги хатоликлар манбаи мавжуд:
1. Атроф мухит температурасининг ўзгариши натижасида ўрам қаршиликларининг ўзгариши;
2. Газ аралашмаси босими ёки атмосфера босимининг ўзгариши;
3. Манбаа кучланишининг ўзгариши натижасида сезгир элемент температурасининг ўзгариши;
4. Магнит эскириши натижасида магнит майдони кучланганлигининг ўзгариши.
Бу хатолик манбаалари таъсирини термостатлаш, босим ва сарфни ростлаш ва хар хил стабилизаторладан фойдаланиш йўли билан йўқотиш мумкин.
Аналитик асбобсозликда яратилаётган термомагнит газоанализаторларда кучланишнинг автоматик компораторларидан фойдаланилмоқда (расм 107).

Расм 107.