O‘simlikshunoslik va moyli ekinlar kafedrasi

Poyasi -
o„tsimon, tik o„sadi, goho yon tomonga egiladi, uch-to„rt qirrali, pastki qismining ichi kovak, balandligi 
0,3-1,5m, rangi yashil, ba‟zan qizil, och qizil jigar rang, har hil tuklangan bo„ladi. Poya sershoxli bo„ladi, shoxlanish 
darajasi navning xususiyatiga bog„lik bo„ladi. 
Kartoshkaning yer osti qismida oq rangli poyalar stolonlar bo„ladi. Bu poyalar shakli o„zgargan barglar qo„ltig„ida 
hosil bo„ladi, yer tagida deyarli gorizontal yo„nalishda o„sadi va shoxlanadi stolonlarda ildizchalar hosil 
bo„ladi,shuning uchun ular mustaqil ildizga ega bo„lishi mumkin. Stolonlar ekilgan nav xususiyatiga mos uzunlikka 
yetganda o„sishdan to„xtaydi va uchi yo„g„onlashib tuganakmevaga aylanadi. Tuganaklar o„simliklar uchun oziqa 
moddalar, asosan, kraxmal saqlanadigan joydir.Har bir poyada bo„yi 15- 20 sm. ga yetadigan 4 -6 ta stolon hosil 
bo„ladi. Ba‟zan stolonlarning uzunligi 30 -40 sm ga yetadi.
Bargi -
tuganak meva yoki urug„ o„sa boshlaganda oddiy barg hosil bo„ladi, keyinroq paydo bo„ladigan barglari 
murakkab toq-patsimon, 3 -7 ta bargchadan va ular orasida joylashgan har xil kattalikdagi bargchalardan iborat. 
Bargning uchida kattaligi va shakli har xil bo„ladigan toq bargi bo„ladi. Kartoshka bargi, bargchalarning soniga va 
kattaligiga qarab 3 xil guruhga bo„linadi: 
1.kam qirqilgan, mayda bo„lakchalari yo„q. 
2.o„rtacha qirqilgan, barg bo„laklar soni 2- juftgacha, orasida bo„lakchalari kam bo„ladi. 
3.ko„p qirqilgan barg, bo„laklari 2 -3 juft, bo„lakchalari 
ko„p. 
Barg va poyalar yuzasi tuk bilan qoplangan, barglarning 
rangi sariq -yashil.Barglar poyada spiral shaklda joylashadi
Guli
-ikkijinsli bo„lib, kosacha, gultoji, beshta changchisi 
bo„ladi. Gullar jingalak shakldagi gulto„plamga to„plangan. 
Bir gulto„plamda 3-15 ta gul bo„ladi.Gulning rangi oq, ko„k, 
binafsha va har xil bo„ladi. Ayrim navlarda shonasi to„kilib 
gul hosil bo„lmaydi. Kartoshka o„zidan changlanadi, ammo 
havo issiq va quruq bo„lganda meva hosil qilmaydi.