O`rta professional ta’limning

1.O’quv dasturining umumiy talablari

Dastur nomi	Solfedjio
Ajratilgan soat	120
Mavzular soni	60
Dasturning maqsadi	Solfedjio o’quv fani sifatida musiqa ta’limidan malaka talablari asosidagi yangi ta’lim mazmuni o’quvchilarning musiqiy bilim va malakalari bilan ularda kuzatuvchanlik, xotirani mustahkamlash, obrazli tasavvur qilish, ularda ijodkorlik, mustaqillik, tashabbuskorlik, badiiy va musiqiy did kabi xislatlarni rivojlantirishni ta’minlaydi. Musiqa tinglab, uni tahlil eta olish, musiqa ostida ritmik harakatlar bajarish,bolalar cholg’u asbobida jo’r bo’lish kabi faoliyatlar shular jumlasidandir. Solfedjio darslarida o’quvchilar gammalarni, tetraxordlarni va xalq musiqasi ladlarini kuylab, intervallarni tovushda va tonallikda kuylab (diotanik, xromatik tarzda),solfedjio to’plamidan, nota bilan I, II, III ovozda kuylash, ovozlar uyg’unligiga, bir hamda ko`p ovozli kuylarni aniq kuylash, musiqa elementlarini eshitib aniqlash, bir va ikki ovozli namunalarni eshitib yoza olish ko’nikma, malakalarni shakllantirish, kuylashga asoslangan. Shuningdek, intervallar, akkordlar, ladlarni tinglab aniqlash, berilgan kuyni bir tonallikdan boshqa tonallikka transpozitsiya qila olish kabibilim , ko’nikma va malakalarga ega bo’ladilar.
O’zlashtirish (o’qitish) natijalari	- O’quvchilarda tinglash qobiliyatini aniq rivojlantirish. Musiqa ifoda vositalarini tinglab aniqlash, - Notalarni mustaqil o’qish malakalarini shakllantirish, tovushlarni sof aytish, metroritmni aniq his etish. - Tinglash qobiliyatini o’stirish (musiqa asarining usul va xarakterini cholg’uda ijro etmasdan turib aniqlash. Xor partiturasida garmoniyasini, lad va tempdagi o’zgarishlarini, musiqiy obraz va avj nuqtasini aniqlash. - To’g’ri nafas olish va chiqarish, tovush hosil qilish. - Sof va ifodali kuylash malakalarini shakllantirish. - Ikki va ko’p ovozli mashqlarni solfedjio usulida kuylashda ansambl hosil qilish. - Asar ladi, tonalligi va metroritmik tuzilishi haqida ma’lumotga ega bo’lish. - O’zi va boshqalar ijrosidagi xatoliklarni farqlay olish, ritmik noaniqliklarni ajrata olish, ularnnng sabablarini bilish. - Ladga asoslanib tugallanmagan diktant va kuyni tugatish. - Ikkinchi ovozni yo’lga qo’yish. - O’quvchilarda ijodiy faollikni rivojlantirish.