O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Kurs ishlarini bajarish bo’yicha ko’rsatmalar:
Kurs ishi mavzulari ta’lim sohasidagi dolzarb masalalar bo’yicha tanlanib u fan uyushma yig’lishlarida ko’rib chiqilib tasdiqlanadi. Kurs ishi mazmuni MTMlardagi ilg’or pedagogik texnologiyalar, matbuotdagi yangiliklar, o’quvchilarning o’quv yurtida o’qish davrida olgan nazariy bilimlari va amaliy ko’nikmalariga mos bo’lishi kerak. Kurs ishi mazmuni o’quvchilarga o’quv yili boshida berilib ularga rahbar tayinlanadi va ular bilan kurs ishi mavzularini yoritish bo’yicha maslahatlar tashkil etiladi. Ushbu maslahatlar chog’ida o’quvchilarga kurs ishining maqsadi, mohiyati uning bajarilishining namunaviy rejasi, zarur bo’lgan materiallarni topish usullari bo’yicha ko’rsatmalar beriladi. Kurs ishini baholashda mavzuning dolzarbligi, ta’lim sohasidagi ahamiyati uning sifati va bezatilishi, o’quvchining amaliyotdagi kuzatuv ishlari, mustaqil fikrlari, ijodiy ishlari, qo’shimcha adabiyotlardan kengroq foydalanganligi inobatga olinadi.
Kurs ishiga rahbarlik qilishda quyidagilar e’tiborga olinadi. Kurs ishi mavzularini tanlash va har bir bitiruvchi uchun yakka topshiriqlar berish. Kurs ishi mavzusini yoritishda kerak bo’lgan savollar va materiallarni o’rganish va to’plashda yordam berish. Kurs ishini yozish tartibi va ketma-ketligi uning hajimi va mazmuni bo’yicha maslahatlar beriladi. O’quvchilarga zarur adabiyotlar va uslubiy qo’llanmalar tanlash va kurs ishini sifatli bajarishni nazorat qilib boradi.
Kurs ishlari mavzulari.

1. 
   Bolalar bog’chasining turli yosh guruhlarida ertalabki badan tarbiyani o’tkazish uslubi.
   
2. 
   Bolalar bog’chasidagi ertalabki badan tarbiyada buyumlardan foydalanish.
   
3. 
   Bolalar bog’chasida asosiy harakat mashqlari.
   
4. 
   O’zbekistonda jismoniy tarbiyani rivojlanish tarihi.
   
5. 
   Harakatli o’yinlarning asosiy harakat malakalarini tarkib toptirishga ta’siri.
   
6. 
   Harakatli o’yinlarning bolalarda axloqiy - irodaviyligi.
   
7. 
   Harakatli o’yinlarda xilma-xil atribut o’yinchoqlar va jismoniy qo’llanmalardan foydalanish.
   
8. 
   Turli yosh guruhlarda jismoniy mashg’ulotni o’tkazish uslubi.
   
9. 
   Jismoniy mashqlar bilan mustaqil shug’ullanishga rahbarlik qilish.
   
10. 
    Jismoniy mashqlarning sport turlariga o’rgatish uslubi