O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

O’ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
O‘RTA MAXSUS, KASB –HUNAR TA’LIMI MARKAZI

Ro’yxatga olindi № KMD 3141701-2.13 2012 yil 15 аvgust

Vazirlikning 2012 yil 15 avgustdagi 332-1-sonli buyrug’i bilan tasdiqlangan

TABIAT BILAN TANISHTIRISH METODIKASI
FANIDAN O’QUV DASTURI

Fan dasturi oliy va o‘rta maxsus . kasb-hunar ta’limi tayyorlov yo’nalishlari bo’yicha Muvofiqlashtiruvchi kengashning 2012 yil 24 iyuldagi 3-son majlis bayoni bilan ma’qullangan.

Fan dasturi Toshkent pedagogika kollejida ishlab chiqildi bilim sohasi bo’yicha sho’ba kelishuvidan o’tkazildi (16.07.2012 y. № 1 sonli).

Tuzuvchi:	Nodirova Zumrad Nigmanovna	–	Toshkent pedagogika kolleji o’qituvchisi
Taqrizchilar:	Rasulxodjayeva Madina Axmadjanovna	–	Nizomiy nomli TDPU o’qituvchisi
	Sayfiyeva Raisa Karimovna	–	Shayxontaxur tumani 171-MTM mudirasi

Toshkent -2012


Kirish


Fanning maqsadi: Bolalarni tabiat bilan tanishtirish orqali tabiatdagi jonli va jonsiz obьektlari haqida to’liq ma’lumot berish, maktabgacha ta’lim muassasalarida va oilada bolalarni tabiat bilan tanishtirish maqsadida o’tkaziladigan mashg’ulotlarda, sayrlarda, o’yinlarda hamda ekskursiyalarda to’g’ri metod va shakllardan foydalana olishni o’rganish. «Bolajon’’ tayanch dasturida ko’rsatilgan ko’rsatmalar asosida bolalarni tabiat haqidagi bilimlarini kengaytirish. Ta’lim O’zbekiston Respublikasining “Ta’lim to’g’risida”gi qonuni, “Kadrlar tayyorlash milliy dasturi” talablari asosida tashkil etiladi, “Maktabgacha yoshdagi bolalar rivojlanishiga qo`yilgan Davlat talablari” va “Bolajon” tayanch dasturi, “Bola shaxsiga yo`naltirilgan ta`lim” asosida ish olib boriladi.
Ko’nikma:
Fanni o’rganish natijasida o’quvchilar quyidagi ko’nikmalarga ega bo’lishlari kerak:
- tabiat haqida aniq bilimlarga ega bo’lishi;
- dastur bilan to’g’ri ishlay olish;
- tabiat bilan tanishtirish metod va shakllarini farqlay bilish;
- tabiat burchagini va yer maydonchasini to’g’ri tashkil etish;
- yil fasllarini to’g’ri ajrata olish;
-har bir yosh guruh bo’yicha mashg’lot ishlanmalarini to’g’ri tashkil eta olish.
Bilimlar: Fanni o’rganish natijasida o’quvchilar quyidagi bilimlarga ega bo’lishlari kerak:
- tabiatning jonli va jonsizligini ajrata olish;
- har bir guruhda dastur bo’yicha bolalarni tabiat bilan tanishtirish vazifalarini bilish;
- mashg’ulot, sayr, o’yin, mehnat, kuzatish tajribalarni to’g’ri tashkil qilish;
- MTM da va oilada tabiat burchagini va yer maydonchasini tashkil qilishda jixozlarni tanlay olish va to’g’ri joylashtirish.